Tekeli qalasynyń ákimi Baqtiiar Ónerbaev otstavkaǵa ketti. Bul jóninde ol óziniń Facebook paraqshasynda jazdy, dep habarlaidy "Ult aqparat".
«Men Qazaqstan Respýblikasynyń «Memlekettik qyzmet týraly» zańyna sáikes, zań ústemdigin qurmet tutatyn azamat retinde óz erkimmen otstavkaǵa suranyp, ótinish jazdym. Jáne búgin oblys ákimi Amandyq Ǵabbasuly otstavkamdy qabyldady», - dep jazdy Tekeli qalasynyń ákimi Baqtiiar Ónerbaev.
Esterińizge sala keteiik, Tekeli qalasy ákimdiginiń apparat basshysy paramen ustalyp, qylmysy sotpen dáleldengen bolatyn. Osy jaǵdaiǵa bailanysty B.Ónerbaev zań boiynsha ostavkaǵa ketý jóninde aryz jazǵan.
«2016 jyldyń qarasha aiynan bastap ózderińizdiń qoldaýlaryńyzben osy ýaqytqa deiin azdy-kópti qyzmet atqardym. «Jer jánnnaty - Jetisýdyń» jaýhary bolǵan Tekeli qalasynda ákim bolyp qyzmet etkenimdi úlken mártebe sanaimyn. Sizdermen birge qoian-qoltyq Tekeliniń ósip-órkendeýine, damýyna qoldan kelgenshe úles qostyq. Árine, áli kúnge deiin kóp máselelerdiń túiini sheshilmegeni meni de mazalaidy. Bir qýantatyn jáit – Tekeli qalasyndaǵy eń ózekti máselelerdiń biri bolǵan sý máselesi jartylai sheshildi, endi jalǵasyn tappaq. Ekinshisi – ekologiialyq másele, iaǵni qorǵasyn-myrysh zaýytynyń qala ortasynda jatqan óndiristik qaldyǵynyń rekýltivatsiiasy jobasy bastaldy, jyldyń sońyna deiin aiaqtalý qajet. Osy tórt jyl ishinde sizderden qoldaý kórip, qalany kórkeitýge biregei úles qosqanymyz úshin sizderge alǵysym sheksiz», - dep tolyqtyrǵan ol.
Aita keteiik, Tekeli qalasy ákimdiginiń apparat basshysy 1,5 mln teńge paramen ustalyp, qylmysy dáleldengen bolatyn. 1978 jylǵy sheneýnik endi alǵan parasyn on ese qylyp memleketke qaitaryp, ómir boiyna memlekettik qyzmette jumys isteý quqyǵynan aiyryldy.
Sot oǵan 15 mln teńge aiyppul saldy. Alǵashqy eńbek jolyn qarapaiym kúzetshi bolyp bastaǵan Tekeli qalasy ákiminiń apparat basshysy paramen ustalǵanda aǵyny kúshti sýǵa sekirip, óz ómirine qaýip tóndirip qashqan bolatyn.
Zań boiynsha qolastyndaǵy memlekettik qyzmetker paramen ustalsa, onyń basshysy qyzmetinen ketýi tiis.
