Almaty oblysyndaǵy Tekeli qalasynyń ákimi Baqtiiar Ónerbaev qoǵamdyq oryndarda alańsyz ishimdik ishetindermen kúres bastady, dep habarlaidy "Ult aqparat".
«Búgin meniń qabyldaýymda qala turǵyny bir áiel kelip kúieýiniń kúnde araq ishetinin aityp, jasyryn túrde satylatyn arzan araǵyna tosqaýyl qoiýdy suraǵan bolatyn. Al, keshke ózim qala aralap júrip mynandai masqaraǵa tap boldym. Politsiia bastyǵy U. Sadyqov jáne kirister basqarma basshysy Q. Nurǵaliev shuǵyl shara qoldanyńyzdar», - dep jazǵan áleýmettik jelidegi paraqshasynda B.Ónerbaev.
Sondai-aq, sheneýnik oqiǵa ornynan beinejazbany júktegen. Videoda úsh er azamattyń emin-erkin qoǵamdyq orynda ishimdik iship otyrǵanyn kórýge bolady.
Baqtiiar Ónerbaev er azamattarǵa óz narazylyǵyn bildirgennen keiin beitanys adamdar ishimdikterin tastap qashqan.
