Endi eGovMobile qosymshasynda ambýlatoriialyq emdeý kezinde qandai dárilik zattar men meditsinalyq buiymdardy tegin alýǵa bolatynyn bilýge bolady. Bul týraly "Ulttyq aqparattyq tehnologiialar" AQ basqarma tóraǵasy Áset Turysov málimdedi. Bul týraly tolyǵyraq «Ult» portaly jazady.
Aitýynsha, qazir eGov.kz portalynda densaýlyq saqtaý salasyna qatysty 37 qyzmet qoljetimdi bolyp otyr. Al Áset Turysov endigi maqsattyń qyzmettiń basym bóligin eGovMobile qosymshasynda iske qosý ekenin habarlaǵan bolatyn.
Endi qosymshadan jańa qyzmettiń kómegimen tegin meditsinalyq kómektiń kepildik berilgen kólemi sheńberinde ambýlatoriialyq emdeý kezinde azamatqa qandai dárilik zattar, mamandandyrylǵan emdik ónimder men meditsinalyq maqsattaǵy buiymdar tiesili ekenin bilýge bolady. Atalǵan qyzmetti eGovMobile qosymshasynda alý úshin "densaýlyq saqtaý" bóliminde "azamattardyń jekelegen sanattaryna dárilik zattardy, mamandandyrylǵan emdik ónimderdi, meditsinalyq maqsattaǵy buiymdardy usyný" qyzmetin tańdaý qajet. Sodan keiin qai kezeńge ekenin kórsetip, taspyrys berý qajet. Ótinim bir jumys kúni ishinde óńdelip, jaýap beriledi.
Sonymen qatar jýyrda jańa tsifrlyq qujat qatardy tolyqtyrdy. Endi "jyljymaityn múliktiń elektrondyq tehnikalyq pasporty" qol jetimdi bolyp otyr. Qosymshadaǵy elektrondyq tehnikalyq tólqujat tehnikalyq tólqujattyń túpnusqasy joq adamdar úshin paidaly bolady. Paidalanýshy qajet kezinde qujatty talap etken jaǵdaida elektrondy nusqasyn kórsete alady.
Qyzmet qujat iesine QR-kodty qoldana otyryp, kirý úshin ashý fýnktsiiasyn usynady. Bul qujatty suraityn tarapqa qujattyń shynaiy ekenine kóz jetkizýge kómektesedi.
Sonymen qatar qazir Qazaqstanda birqatar qujatty elektrondy túrde alýǵa bolady. Tizimniń ishinde jeke kýálik, neke týraly kýálik, týý týraly kýálik, atyn, ákesiniń atyn, tegin aýystyrý týraly kýálik, nekeni buzý týraly kýálik jáne elektrondyq tehnikalyq pasport bar.
Aita keteiik,"Ulttyq aqparattyq tehnologiialar"AQ "elektrondyq úkimettiń" infokommýnikatsiialyq infraqurylymynyń jáne memlekettik organdardyń biryńǵai kólik ortasynyń operatory bolyp tabylady. Sonymen qatar ortalyq jáne óńirlik memlekettik organdardyń aqparat júielerine júielik-tehnikalyq qyzmet kórsetýdi júzege asyrady, derekter bazasynda aqparattyń qaýipsiz saqtalýyna jaýap beredi.
Onyń negizgi qyzmetine "Elektrondyq úkimet" (egov.kz) portaldaryna qyzmet kórsetý, "Ashyq úkimet" (open.egov.kz), mGov.kz qosymshasyna, @EgovKzBot telegram-botqa, 1414 biryńǵai bailanys ortalyǵyna qyzmet kórsetý jatady.
Aita keteiik, eGovMobile qosymshasy 2019 jyly qazanda iske qosylǵan bolatyn. Bul qosymsha arqyly azamat EÝQ-ny asa qajet etpeidi. Sebebi qandai da bir qyzmetke tapsyrys bergen kezde azamat ózin TouchID nemese FaceID arqyly rastai alady.
Sonymen qatar eGov.kz portaly arqyly aiyppuldardy tekserý jáne tóleý kezinde foto jáne buzýshylyq hattamasyn qaraý múmkindigi qosyldy. Sondai-aq, qazaqstandyqtar eńbek jáne halyqty áleýmettik qorǵaý ministrliginiń 24 qyzmetin alý úshin elektrondy úkimet portaly arqyly ótinish jibere alady.
