15 qyrkúiekte elordada TEDxAstana ǵylymi-kópshilik konferentsiiasy ótedi. Bul týraly sársenbi kúni konferentsiia uiymdastyrýshylary áleýmettik jelilerdegi paraqshalary arqyly habarlady.
«Biylǵy konferentsiianyń taqyryby – Under One Sun (Bir aspan astynda). Bul taqyrypty tańdaýymyzdyń ózindik sebebi bar. Sebebi, biz bir-birimizge uqsamaimyz. Oi-pikirimiz de ártúrli. Degenmen bárimizdi biriktiretin taqyryptar da bar. Dál osy taqyryp bizdi alańdatatyn máselelerdi ortaǵa salýǵa múmkindik beredi dep oilaimyz», - dedi TEDx Astana konferentsiiasynyń kýratory Áliia Sandybaeva.
Uiymdastyrýshylar pikirinshe, konferentsiiada adamzat jetken jetistikterdiń qorshaǵan orta men ekonomikaǵa áseri týraly jyldar boiy qalyptasqan «úirenshikti» pikirlerdi ózgertetin ideialar sóz bolady. Spikerler adamdardyń ómir salty men bolashaǵyna áser etetin mádeni-áleýmettik qubylystar, innovatsiialar men zamanaýi tehnologiialardyń qazirgi zamannyń eń ózekti degen máselelerin sheshýge qanshalyqty múmkindigi bar degen saýaldarǵa jaýap izdeidi.
Alǵashqy TEDx konferentsiiasy Qazaqstan men TMD elderi aýmaǵynda 2010 jyly ótkizilgen bolatyn. Al, TED qorynyń arnaiy litsenziiasymen ótkiziletin TEDxAstana 2015 jyldan beri uiymdastyrylyp keledi. TEDx – jergilikti jerlerde túrli aǵartýshylyq sharalar ótkizýge arnalǵan ǵalamdyq jobasy.
Konferentsiiaǵa tirkeý tedxastana.com saitynda qyrkúiektiń 5 deiin jalǵasyn tappaq.
