27-28 tamyz aralyǵanda Oral qalasynda «Jastar uiymdarynyń netvorkingi jáne tájiribe almasýy» jobasy ótti. «Bolashaq» Qaýymdastyǵy bastama bolǵan netverking sharasyna 200-den astam jas kóshbasshy men ÚEU jáne JRO ókilderi qatysty.
Batys Qazaqstan, Mańǵystaý, Aqtóbe, Atyraý oblysy jastarynyń basyn qosqan shara eki kúnge sozyldy.
Jastar «ÚEU + biznes = jastarǵa arnalǵan múmkindikter», «Jastar saiasatynyń ózekti trendteri» jáne «Jastarǵa arnalǵan áleýmettik jobalardy iske asyrý» siiaqty túrli taqyryptardy talqylyp, ózara tájiribe almasty.
Sondai-aq arnaiy master-klass, seminar, treningter uiymdastyryldy. Qatysýshylar túrli baǵdar boiynsha jumys jasap, jańa jobalardyń josparyn daiyndap, tiimdiligi men el ekonomikasyna tigizer áserin talqyǵa saldy.
«Qazaqstan jastary kongresi» ZTB atqarýshy direktory Nurlan Óteshov, «Arnaý» damý ortalyǵy qoǵamdyq birlestiginiń tóraǵasy, bloger Ulan Ábishov, Oral qalasyndaǵy stýdentter Alianysynyń vitse-kóshbasshysy Samat Rahymǵali sekildi birneshe spiker sóz alyp, naqty taqyryptar boiynsha sheberlik sabaǵyn uiymdastyrdy. Olar qyzyqty ári mańyzdy aqparattar bólisip, óz oilaryn ortaǵa saldy.
«Jastar arasyndaǵy trendterdi tórt baǵytqa bólip qarastyrýǵa bolady. Birinshisi, qazaq jastary arasynda qazaq tiliniń qoldaný deńgeiiniń kóterilýi. Ekinshisi, jastardyń memlekettik qyzmetke emes, bizneske kóp kóńil bólýi. Úshinshisi, dástúrli BAQ-tan zamanaýi BAQ-qa bet burý. Tórtinshisi, paternalizm uǵymy deńgeiiniń tómendemeýi. Osynyń barlyǵyn bilý netvorking sharasyna kelgen jastar úshin paidaly aqparat dep oilaimyn», - deidi «Qazaqstan jastary kongresi» ZTB atqarýshy direktory Nurlan Óteshov.
Ár óńirden kelgen jastar shara barysynda ózderi jumys jasaityn uiym týraly aityp, ózindik erekshelikterin baiandady. Sondai-aq jastar alda atqaratyn jobalardy talqylap, pikir almasý maqsatynda ózara bailanysyn nyǵaita túsýge niet bildirdi.
Sonymen qatar jastar áleýmettik jobalardy júzege asyrýmen qatar, jeli arqyly qandai múmkindikterge qol jetkizýge bolatyndyǵy jaiynda oi órbitti.
«Qazir jastar áleýmettik jeliniń paidaly tustaryn tolyqqandy igere almai keledi. Kóbi oiyn-saýyq quraly retinde qarap, múmkindikterin iske asyrmaidy. Al biz ony óz jobasyn júzege asyra alatyn, ózine jaqsy tabys kózi bola alatyn jaǵyn ashyp kórsetýimiz kerek. Jastardyń jelide belgili jobamen jumys jasaýy tek oblystyq emes, halyqaralyq deńgeige deiin kóterile alýyna jol ashady», - deidi «Arnaý» damý ortalyǵy qoǵamdyq birlestiginiń tóraǵasy, bloger Ulan Ábishov.
Bloger Ulan Ábishovtyń seminarynan keiin jastar suraq-jaýap alańyna aýysyp, taqyrypty keńinen talqylyp, onyń paidaly tustaryn saraptady.
Shara sońynda «Bolashaq» Qaýymdastyǵynyń atqarýshy direktory Laýra Demesinova «Jastar uiymdarynyń netvorkingi jáne tájiribe almasýy» jobasyna qatysqan belsendi jastarǵa arnaiy sertifikattar tabystady.
Aita ketsek, «Jastar uiymdarynyń netvorkingi jáne tájiribe almasýy» jobasy Oral qalasynyn ózge Almaty, Shymkent, Pavlodar óńirlerinde jalǵasyn tabady. Joba nátijesi boiynsha ÚEU men JRO-nyń eń úzdik qazaqstandyq tájiribesi negizinde arnaiy jinaq jaryq kóredi.
Atalǵan jobany «Bolashaq» Qaýymdastyǵy QR Aqparat jáne qoǵamdyq damý ministrliginiń qoldaýymen, «Azamattyq bastamalardy qoldaý ortalyǵy» KEAQ memlekettik granty sheńberinde uiymdastyrdy.
