Tájikstan syrtqy ister ministri Sirodjiddin Mýhriddin 8 qyrkúiekte Aýǵanstan máselesine arnalǵan virtýal kezdesýge qatysyp, "Taliban" radikal tobynyń (Qazaqstanda tyiym salynǵan qozǵalys) Panjsherge shabýylyn aiyptady.
Bul kezdesýdi AQSh pen Germaniia uiymdastyrǵan. Oǵan Tájikstannyń, Pákistannyń, Saýd Arabiiasynyń, Túrkiianyń, Ulybritaniianyń syrtqy ister ministrleri, sonymen birge EO, NATO jáne BUU basshylary qatysty.
Panjsherdegi urys máselesin tilge tiek etken tájik ministri tálipter úshinshi bir eldiń áýe kúshteriniń kómegimen shatqaldaǵy kóptegen tájikti óltirdi dep málimdedi. Alaida ministr úshinshi memleketti atamady.
Munyń aldynda Úndistannyń buqaralyq aqparat quraldary Pákistannyń áskeri tikushaqtary men ushqyshsyz ushaqtary tálipterdiń Panjsherge shabýyly kezinde Ulttyq qarsylyq maidanynyń shepterin atqylady dep habarlaǵan. Aýǵanstannyń kóptegen qalasynda Pákistanǵa qarsy narazylyq aktsiialary ótti.
Degenmen Pákistan áskeriniń ókili pákistandyq drondar Panjsherdi atqylady degen málimetti joqqa shyǵardy.
Tájikstannyń syrtqy ister ministri halyqaralyq qaýymdastyqty tálipterge yqpal etip, daǵdarystan shyǵýdyń saiasi sheshimin tabýǵa úndedi.
"Álemdik qaýymdastyq jiyrma jyldan beri Aýǵanstanda tártip ornatýdyń jolyn tappai, bul elde ondaǵan myń sodyrdy "mura" retinde qaldyryp ketti" dep málimdedi tájik ministri.
Biyl tamyzdyń ortasynda tálipter Aýǵanstannyń barlyq derlik aýmaǵyn basyp alyp, Kabýlǵa uryssyz kirdi.
7 qyrkúiekte "Taliban" jańa úkimettiń quramyn jariialady. Memlekettik joǵary basshysy bolyp 60 jastaǵy Haibatýlla Ahýnzada jariialandy.
Bir de bir memleket Taliban úkimetin ázirge resmi túrde moiyndaǵan joq, alaida birneshe memleket, sonyń ishinde kórshi Ózbekstan, jańa úkimettiń qurylǵanyn quptady.
