Jambyl oblysynda «Taza Qazaqstan» ekologiialyq aktsiiasy aiasynda aýqymdy jumystar atqarylyp, jalǵasýda. Ekologiialyq naýqandy jambyldyqtar jyly qabyldap, belsendi atsalysyp keledi.
Búginde daryndy mektep oqýshylary da «Taza Qazaqstan» aktsiiasyna óz úlesterin qosýda. Bul kúni Taraz qalasy bilim bóliminiń tehnikalyq shyǵarmashylyq ortalyǵynyń 600-den astam tárbielenýshisi qoqys qaldyqtarynan jasaǵan qolóner buiymdaryn kópshilik nazaryna usynady.
Máselen, ortalyq shákirtteri ustazdarymen birge jinalǵan qoqys qaldyqtarynan 200-den asa túrli kartina, qýyrshaqtar men ydystar ázirlegen. Oqýshylar mundai jumystardy aldaǵy ýaqytta da jalǵastyrýdy kózdep otyr.
Sonymen qatar bilim berý uiymdarynyń jas ǵalymdary ekologiiany jaqsartyp, adamdardyń turmys-tirshiligin arttyrýǵa baǵyttalǵan jobalar ázirlegen. Atap aitqanda, Taraz qalasy №7 mektep-gimnaziiasynyń oqýshysy D.Tarasenkonyń «Jaiaý júrginshiler ótkelderiniń qaýipsizdigin arttyrý», Merki aýdany M.Áýezov atyndaǵy mektep-litseiiniń oqýshysy J.Jeńishannyń «Taza qala sizden bastalady», Jýaly aýdany Á.Bókeihan atyndaǵy №15 mektep-litseiiniń oqýshysy A.Ońdasynnyń «Aqyldy Eso-jylyjai», Merki aýdany №44 mektebiniń oqýshylary A.Erkinqyzy men Ó.Eńsebektiń «Ekinshi ómir syila!» atty qoqys óńdeitin zaýyt jobalary «Kóne Taraz» etno-mádeni keshenindegi «Kórme» zalynda tanystyrylady.
Jambyl aýdany Ernazar aýylynyń kelinderi arasynda «Eń taza aýla» konkýrsy uiymdastyrylady. Baiqaýǵa 35 jasqa deiingi 9 kelin qatysady. Konkýrstyń maqsaty – tazalyqty saqtaý, turǵyndar arasynda ekologiialyq mádenietti qalyptastyrý, halyqtyń birligin, tatýlyǵyn arttyryp, urpaqtar sabaqtastyǵyn jarasymdy jalǵastyrý.
Arnaiy qurylǵan komissiia konkýrsqa qatysýshylardyń jumystaryna baǵa berip, jeńimpazdardy syilyqtarmen marapattaidy.
Sondai-aq oblystyń barlyq aýdanynda «Eń taza kóshe», «Eń taza aýla», «Eń belsendi volonter» konkýrstary ótkiziledi. Atap aitqanda, Baizaqta «Eń úzdik volonter», Sarysý, Qordai aýdanynda «Eń úzdik aýla», T.Rysqulovta «Eń belsendi turǵyn», Talasta «Eń úzdik kóshe», Shýda «Eń úzdik aýla sypyrýshy» konkýrsy uiymdastyrylady.
Sonymen qatar volonterlerdiń, belsendi azamattardyń, turǵyndardyń qatysýymen Taraz qalasy men aýdandarda senbilikter, tazalyq jumystary ótkiziledi. Atap aitqanda, Taraz qalasyndaǵy «Mamyr» saiabaǵynda 200-den astam qala turǵynynyń qatysýymen sanitarlyq-tazalyq jumystary, Talas ózeniniń boiynda, Aisha bibi kóshesinde tazalyq jumystary, B.Momyshuly kóshesindegi aialdamalardy boiaý, jýý jumystary, «Uly dala» shaǵyn aýdanynda «Bizdiń aýla» atty tazalyq jumysy, «Qarasý» shaǵyn aýdanyndaǵy «Áýlie bulaq» kanalyn tazalaý jumystary júrgiziledi.
Osyndai aktsiialar barlyq aýdanda uiymdastyrylady. Atap aitqanda, Baizaq aýdanynyń ortalyq saiabaǵynda, Jambyl aýdany Aisha bibi kesenesiniń mańynda, Qordai aýdanynyń ortalyǵynda, Merki aýdanynda «Sypatai batyr», Sarysý aýdanynda «Shoqai Datqa» keseneleriniń mańynda, Shý qalasy temirjolshylar saiabaǵynda ótedi.
2024 jyly óńirdegi jól jóndeý jumystaryna 23,1 mlrd teńge bólindi. 469,6 shaqyrym jol jóndeý jumystary atqarylady. Onyń ishinde, 155,3 shaqyrym jergilikti mańyzy bar avtojol, 286,2 shaqyrym eldi meken kósheleri men 28,1 shaqyrym jaiaý júrginshiler joly. Taraz qalasynda 140 shaqyrymnan asa jol ortasha jóndeýden ótedi. Onyń ishinde 67,8 shaqyrymdy quraityn 117 kóshe, 20,2 shaqyrym jaiaý júrginshiler joly, 73,8 shaqyrym bolatyn shaǵal joldy jóndeý josparlanǵan.
Eske sala keteiik, «Taza Qazaqstan» aktsiiasy bastalǵannan beri óńirde 1 770 senbilik ótip, oǵan 220 myń adam qatysty.
Nátijesinde 60 tarihi-mádeni eskertkish, 143 saiabaq pen skver, 816,6 shaqyrym kanaldar men aryqtar, 3,1 myń shaqyrym kóshe men 109,1 myń aýla tazartyldy. 11,4 myń tonna qoqys shyǵaryldy. 60 myńǵa jýyq kóshet otyrǵyzylyp, 49 sýburqaq iske qosyldy.
2024 jylǵa abattandyrý, kógaldandyrý jáne sanitarlyq tazalaý jumystaryna jalpy 10,3 mlrd teńge qarastyrylǵan.
Aktsiia jyl sońyna deiin jalǵasyp, turǵyn úiler, joldar, demalys saiabaqtary abattandyrylyp, jóndeletin bolady.
