«Taza Qazaqstan» jalpyulttyq ekologiialyq aktsiiasy aiasynda Ulytaý oblysynda aýqymdy sharalar uiymdastyryldy. Bul kúni oblystyń barlyq qala, aýdandarynda tazalyq aktsiialary ótti.
Aýqymdy aktsiianyń basty maqsaty – aýmaqtardy tazalaýmen qatar, turǵyndardyń qorshaǵan ortaǵa uqypty qaraý qajettiligine nazar aýdartý. Tazalyq sharalaryna qatysýshylardyń barlyǵy joǵary belsendilik kórsetti. «Jasyl el» eńbek jasaqtary da osy kúni belsendiligimen erekshelendi. Ekologiialyq is-sharalarǵa qatysýshylar arasynda jergilikti bilik, qoǵamdyq uiymdar, stýdentter, belsendiler jáne qarapaiym turǵyndar bar. Aktsiiaǵa barlyǵy 245 ujymnan 2000-nan astam adam men 68 arnaiy tehnika jumyldyryldy. Barlyǵy 70 tonnadan astam qoqys shyǵaryldy.
Oblys boiynsha barlyǵy 483 aýla, 24 saiabaq pen skver, 61 tarihi-mádeni eskertkish aýmaǵy tazartylyp, 138 áleýmettik nysan aýmaǵy qamtyldy.
Jezqazǵan qalasynda qala turǵyndary men eńbek ujymdary negizgi kósheler men saiabaq, skverlerdi tazartty. Jasyl jelekterge kútim jasalyp, gúlzarlar retke keltirildi.
Al, Sátbaev qalasynyń eńbek ujymdary óndiristik mekemelerdiń aýmaǵyn tazalap, syrlaý, ákteý jumystaryn atqardy.
«Qalamyzda taza beisenbilik, senbilik ótkizý dástúri burynnan bar. Sondyqtan da, «Taza Qazaqstan» aktsiiasy bastalǵaly qala turǵyndary oǵan belsendi qatysýda. Búgin de barlyq eńbek ujymdary, qala halqy bastamamyzǵa qoldaý bildirip jatyr», - deidi “Jastar bolashaq” jastar qozǵalysynyń tóraǵasy Lýiza Minbaeva.
Qarajal qalasynyń turǵyndary da óz aýlalaryn tazalap, ruqsat etilmegen oryndarǵa tógilgen qoqystardy arnaiy poligonǵa shyǵardy.
Oblystyń Jańaarqa, Ulytaý aýdandarynda tazalyq aktsiiasy bulaqtar ainalasy men ózen jaǵasynda ótti. Máselen, Ulytaý aýdanynyń turǵyndary «Kúmisbulaq», «Tasbulaq» bulaqtarynyń ainalasyn tazartyp, bulaq basyna kelýshilerge qolaily jaǵdai týǵyzý maqsatynda abattandyrý jumystaryn júrgizdi. Jańaarqalyqtar Sarysý ózeniniń boiyn qoqystan tazalap, jaǵajailardy retke keltirdi.
Sondai-aq qalalardaǵy kópqabatty úilerdiń turǵyndary da aýlalaryn jinap, retke keltirdi. Tazalyq aktsiiasyna páter ieleri kooperativteri jetekshilik jasady.
Tazalyq aktsiialary aiasynda oblystyń qala men aýdandaryndaǵy ákimdikterdiń jaýapty mamandary jergilikti aýmaqtardaǵy kóshelerdi aralap sanitarlyq tazalyqty tekserdi. Sanitarlyq tazalyqty saqtamaǵan, abattandyrý erejesine sáikes kelmeitin nysandardyń ielerimen tildesip, kemshilikterdi qysqa merzimde túzeý qajettigin aityp, eskertý jasady. Ǵimarattar aldyn tazalaý, aýmaqty abattandyrý siiaqty jumystar júrgizý tapsyryldy. Sonymen qatar, kommýnaldyq mekemeler basshylaryna qala-aýdan kóshelerin, jaiaý júrginshi joldary men aialdama aýmaqtaryn tazartý jáne qoqystan aryltý jóninde naqty tapsyrmalar júkteldi.
