Ekologiia ministrliginiń qaýyrt jelisine sońǵy aptada stihiialyq qoqystarǵa 623 shaǵym kelip tústi, dep habarlaidy "Ult aqparat" vedomstvonyń baspasóz qyzmetine silteme jasap.
Stihiialyq qoqys týraly habarlardyń kópshiligi Almaty (90), Shyǵys Qazaqstan (62) jáne Qaraǵandy oblystarynan (48), sondai-aq Almaty qalasynan (47) kelip tústi. Aqmola (42) men Aqtóbe oblysy (30) azamattardan túsken ótinish sany boiynsha kóshbasshylar «bestigine» kirdi.
623 shaǵymnyń 469-y úiindilerge, 154-i qoqys tolyp ketken konteinerlerge qatysty.
«Bir apta ishinde ákimdikpen birge 347 qoqys úiindisi joiyldy. Bul baǵyttaǵy jumys jalǵasýda. Jalpy Ekologiia ministrligi turǵyndar tarapynan shaǵymdar arttty. Bul azamattyq pozitsiianyń óskenin bildiredi. Onyń ústine, jedel jeli jumysynyń tiimdiligi keiingi eki aptada aiqyn baiqalady. Shaǵym túskennen keiin aqparat dereý jergilikti ekologiia departamentterine, QR IIM qyzmeti men ákimdikterge jiberiledi. Mamandar jedel tekserý ornyna baryp, shara qoldanady, kináliler jazalanyp, sonyń ishinde aiyppul óndirilip alynady», delingen habarlamada.
Eske salsaq, Ekologiia ministrliginiń qaýyrt jelisiniń nómiri: +7 (775) 952-49-00. Ýatsap messendjeri arqyly kez kelgen qazaqstandyq óz qalasyndaǵy nemese aýylyndaǵy koqys úiindisi týraly aqparatty, ony rastaityn sýret pen video jibere alady.
