Almaty politsiiasy turǵyndarǵa tabiǵatty lastaǵany úshin aiyppul sala bastady,– dep habarlaidy "Ult aqparat".
Qorshaǵan ortany qorǵaý jáne onyń lastanýynyń aldyn alý maqsatynda qazirgi ýaqytta qala aýmaǵynda ekologiialyq zańnamany buzýshylardyń áreketterin anyqtaýǵa jáne jolyn kesýge baǵyttalǵan «Taza Qazaqstan» jedel-aldyn alý is-sharasy ótkizilip jatyr.
«Sońǵy kezderi jeke azamattar men zańdy tulǵalar ózderiniń ekologiialyq mádenieti tómen bolǵandyqtan, óz áreketterimen Qazaqstan Respýblikasynyń ekologiialyq zańnamasyn buzatyn, osylaisha qorshaǵan ortaǵa úlken ziian keltiretin jaǵdailar jiilep ketti. Jaqynda, reid sharasy kezinde Almaly aýdanynyń ekologiialyq politsiiasynyń qyzmetkerleri kópqabatty úilerdiń aýlalarynyń birinde abattandyrý, jasyl alańdardy kútip ustaý jáne qorǵaý erejeleri óreskel buzylǵanyn anyqtady. Merdiger aýlada jóndeý jumystaryn júrgizdi, zań normalaryn saqtamai, ruqsatsyz aǵashtardy kesýmen ainalysty, sonymen qatar qoldanystaǵy zańnamada ruqsat etilmegen qurylys qaldyqtaryn jasyl alańda saqtady. Osy ýchaskedegi jóndeý jumystaryna qatysqan merdigerler QR ÁQbK-niń 386 jáne 505-baptary boiynsha ákimshilik jaýapqa tartyldy», – dedi Almaty PD Jergilikti politsiia qyzmeti basqarmasynyń bastyǵy Manap Sattarov.
Sondyqtan, Politsiia departamenti qala aýmaǵynda jáne onyń shetinde ruqsatsyz qoqys tastaýǵa tyiym salynǵanyn eskertedi.
