Taivan syrtqy ister ministrligi Taivan araly men osy aimaqtaǵy qaýipsizdik pen beibitshilikti qoldaý úshin naqty áreket jasaǵan AQSh-qa alǵys aitty, dep habarlaidy Azattyq.
Taivan syrtqy ister ministrligi málimdemesinde "Qytaidyń áskeri jáne ekonomikalyq bopsasy álemdegi demokratiialyq lagerdiń turaqtylyǵy men birligin odan ári nyǵaita tústi" dep jazylǵan.
"Entýziazmy kúshti Taivan halqy bostandyq pen demokratiiany qalaidy, sol sebepti Taivanǵa qoldaý kórsetý úshin ózge elderdegi jaqsy dostarymyz kelip jatyr, — dedi Taivan prezideneti Tsai Inven. Prezident bul sózdi qarasha aiynyń sońynda ótetin jergilikti sailaýlarǵa arnalǵan mitingi kezinde aitqan. – Alaida úkimetimiz de, áskerimiz de eldi qorǵaýǵa, men de Taivan úshin bel sheshpei qyzmet etýge daiyn bolýǵa tiispiz" deidi ol.
12 shildede Aq úidiń Úndi-Tynyq muhit aimaǵy boiynsha úilestirýshisi Kýrt Kempbell "Qytai AQSh ókilder palatasynyń tóraiymy Nensi Pelosidiń Taivanǵa saparyna tym ásire reaktsiia bildirdi" dep málimdedi. Pelosi Taivanǵa baryp ketken soń Pekin Taivan araly mańynda birneshke kún áskeri jattyǵý jasap, qyr kórsetken. Qytai Taivan aralyn Qytai jeri dep sanaidy.
Qytai respýblikasynyń úkimeti azamat soǵysynan jeńilgen soń 1949 jyly Taivan aralyna qashyp, sonda úkimet qurǵan. Al onyń qarsylasy Mao Tszedýn bastaǵan Qytai kommýnistik partiiasy qazirgi Qytai halyq respýblikasynyń negizin qalaǵan.
Qytai Taivan aralyn kúshpen qaitaratyny týraly buǵan deiin birneshe ret málimdegen.
