Jaqyn arada 2021 jylǵa arnalǵan respýblikalyq biýdjettiń parametrleri men shyǵystary baǵytyn naqtylaý bolady. Bul týraly QR Qarjy ministrliginiń alqa májilisinde vedomstvo basshysy Erulan Jamaýbaev málim etti, dep habarlaidy QazAqparat.
«Sáýir aiynan aldaǵy úsh jyldyq kezeńge respýblikalyq biýdjet jobasyn qalyptastyrý boiynsha jumysty bastaimyz. «Nur Otan» sailaýaldy baǵdarlamasynyń is-sharalary men Prezidenttiń strategiialyq bastamalary tolyqtai eskeriledi», -dedi ministr.
E. Jamaýbaev biýdjet protsesin jetildirý maqsatynda 2020 jyldyń jeltoqsanynda Biýdjet kodeksine túzetýler engizilgenin eske saldy.
«Túzetýler biýdjettik ári strategiialyq josparlaýdyń úilesimdigin, salynǵan qarjynyń ekonomikalyq serpinin, sondai-aq memlekettik organdardyń jaýapkershiligin qarastyrady», - dedi vedomstvo basshysy.
