"Saýd Arabiiasyndaǵy oqiǵaǵa bailanysty naryqta týyndaǵan munai suranysyn Qazaqstan ótemeidi jáne ótei almaidy da" dedi Qazaqstannyń energetika ministri Qanat Bozymbaev beisenbi kúni baspasóz jiyny kezinde.
Onyń pikirinshe, "Qazaqstan saýdiialyq áriptesterdiń basyndaǵy jaǵdaidy paidalanady dep aitýdyń ózi" etikaǵa qaishy.
"Qazaqstan bar-joǵy kúnine 1,8 million barrel munai óndiredi. Qansha tyryssaq ta, báribir bul suranysty ótei almaimyz. Buǵan qosa, bizdiń OPEK-pen jasasqan kelisim aiasynda alǵan mindettemelerimiz bar, ony oryndaimyz, maýsym aiaqtalǵanǵa deiin (2020 jyldyń naýryz aiy - Q.B) osy kórsetkishten artyq munai óndirmeimiz" dedi Qanat Bozymbaev.
14 qyrkúiekte Saýd Arabiiasyndaǵy iri munai kenishterine dronnan shabýyl jasalǵan. Osydan keiin álemdegi eń iri munai óndirýshilerdiń biri munai óndirisin 5,7 million barrelge qysqartty. Qyrkúiek aiynyń ortasynda naryqta munai baǵasynyń qymbattaǵany habarlandy.
