QR Tótenshe jaǵdailar ministrligi taýly aimaqtarǵa týristik saparmen shyqqan kezde saqtalýy tiis qaýipsizdik erejelerin jariialady, dep habarlaidy "Ult aqparat".
Vedomstvo taratqan týristik saparlardaǵy saqtalýy tiis qaýipsizdik erejeleri mynalar:
- Nashar kóringende (tuman) nemese táýliktiń qarańǵy ýaqytynda ótpeý kerek. Marshrýtqa barar aldynda aýa-raiy boljamyn anyqtańyz.
- Taýly jerlerge barmas buryn aýa-raiy jaǵdailary men kedergilerdiń yqtimaldyǵyn eskere otyryp, yqtimal qaýipterdi muqiiat baǵalaý kerek. Eger aýa-raiy nasharlasa, joǵary emes, tómen túsińiz.
- Taýly marshrýttarda joldy muqiiat qadaǵalańyz jáne aiaǵyńyzdyń astyna, ásirese jańbyrdan keiin muqiiat qarańyz.
- Jaraqat almaý maqsatynda tik betkeilerge kóterilmeńiz.
- Deneniń qyzyp ketýine, gipotermiiasyna jol bermeńiz.
- Eger siz balalardy ózińizben birge taýǵa alyp barsańyz, olar úshin jaýapkershilikti umytpańyz, olardy qaraýsyz qaldyrmańyz.
- Ózińizben birge jetkilikti mólsherde sý alyńyz. Ózińizben birge kompasyńyz bolsyn.
- Eger siz topta nemese dostar kompaniiasynda saiahattasańyz birge bolǵanyńyz jón. Mindetti túrde ózińizben birge qajetti dári qory bar meditsinalyq aptechkany alyp júrińiz. Qozǵalys qarqyny toptaǵy eń álsizimen anyqtalady.
- Beitanys marshrýt boiynsha alǵashqy joryq úshin oǵan barǵan adamdy jolserikterden tapqan nemese osy marshrýt týraly aldyn ala aqparat tabýǵa tyrysqan jón. Eshqashan beitanys marshrýt boiynsha taýlarǵa jolseriksiz barmańyz.
- Taýlarda adasyp, qaýipti jabaiy janýarǵa kez bolyp, jartasqa qulap ketýge bolady. Qysta taýlarda qar kóshkini, jazda tastardyń qulaýy múmkin.
Eger siz taýǵa birneshe kúnge baratyn bolsańyz, onda ózińizdiń uialy telefon nómirlerińizdi táýlik boiy jumys isteitin QR TJM bólimshelerine 112 nómiri boiynsha habarlańyz.
