Elimizdiń Táýelsizdiginiń 30 jyldyǵyna jáne Alǵys aitý kúniniń resmi belgilengenine 5 jyl tolýyna orai Qazaqstan halqy Assambleiasy arnaiy dóńgelek ústel ótkizdi, - dep habarlaidy «Ult aqparat».
Atalǵan is-sharaǵa Memlekettik hatshysy Qyrymbek Kósherbaev, QR Aqparat jáne qoǵamdyq damý ministri Aida Balaeva, Qazaqstan halqy Assambleiasy Tóraǵasynyń orynbasarlary M.Bekbaeva men Z.Kýziev, Qazaqstan halqy Assambleiasynyń QR Parlamenti Májilisindegi depýtattary, Nur-Sultan, Almaty, Shymkent qalalary men oblystar ákimderiniń orynbasarlary, QHA músheleri, etnomádeni birlestikteri men jastar qanatynyń ókilderi jáne t.b. qatysty.
«Biyl Táýelsizdigimizdiń 30 jyldyǵyn atap óte otyryp, Alǵys aitý kúnine erekshe mán-maǵyna berilip otyrǵany belgili. Biz táýelsiz Qazaqstannyń qurylýy men damýynyń bastaýlarynda bolǵan adamdarǵa airyqsha alǵysymyzdy bildirgimiz keledi. Eń aldymen, biz ata-babalarymyzdyń azattyq pen egemendik týraly ǵasyrlar boiǵy armanyn júzege asyrǵany úshin Tuńǵysh Prezidentimiz – Elbasy Nursultan Ábishuly Nazarbaevqa tereń alǵysymyzdy bildirýimiz kerek. Sonymen qatar, zamanaýi syn-qaterlerge beiimdelgen sapaly jańa ulttyq biregeilikti qalyptastyrýdyń qazirgi zamanǵy jaǵdaiynda el Prezidenti Qasym-Jomart Toqaevtyń saiasi jáne ekonomikalyq reformalarmen qatar qoǵamdyq sanany jańǵyrtýǵa erekshe kóńil bólip otyrǵanyn atap ótkim keledi», - dedi Memlekettik hatshysy Qyrymbek Kósherbaev.
Memlekettik hatshynyń aitýynsha, qoǵamdy rýhani jańǵyrtýdyń mańyzdy baǵyty saiasi qýǵyn-súrgin qurbandaryn tolyq aqtaý jónindegi aýqymdy jumystardy aiaqtaý bolýy kerek.
«Ras, totalitarizmnen zardap shekken kóptegen halyqtar úshin qazaq jeri naǵyz baspanaǵa ainaldy. Tarihi ádilettilikti qalpyna keltirý, ádiletsiz sottalǵandardyń adal esimin qaitarý – mine, biz ózimizge rizashylyq bildiretin urpaqtardyń jadynda osyny qaldyrýymyz kerek. Bul sondai-aq, asharshylyqtyń qaiǵyly saldaryna, «Alash» qozǵalysynyń jetekshilerin joiýǵa, kóptegen shynaiy patriottardyń taǵdyryna, halqymyzdyń tarihyn burmalaý áreketterine de qatysty», - dedi Qyrymbek Kósherbaev.
Sonymen birge, dóńgelek ústelge qatysýshylar Táýelsizdiktiń 30 jyldyǵy men Qazaqstannyń Tuńǵysh Prezidenti – Elbasy belgilegen Alǵys aitý kúniniń 5 jyldyǵynyń biriktirýshi mańyzyn, qazaqstandyq qundylyqtar - ulttyq birlik pen kelisimdi, qoǵamdyq yntymaqtastyq pen ózara qoldaýdy, dostyq dástúrlerin jańa urpaqqa jetkizýdi beineleitinin talqylady.
Sondai-aq «Tuńǵysh Prezident jolymen – beibitshilik pen kelisimge 30 jyl» halyq ekspeditsiiasy» QHA jobasynyń jáne «Qaiyrymdylyq kerýeni: 30 igi is» qaiyrymdylyq marafonynyń tusaýkeseri ótip, bilim jáne densaýlyq, azamattyq qoǵam salasynyń, etnomádeni birlestikterdiń ókilderi men stýdentter sóz sóiledi.
Esterińizge sala keteiik, Elimizdiń Táýelsizdiginiń 30 jyldyǵyna jáne Alǵys aitý kúniniń resmi belgilengenine 5 jyl tolýyna orai Qazaqstan halqy Assambleiasy arnaiy dóńgelek ústel ótkizdi. Atalǵan is-sharaǵa Memlekettik hatshysy Qyrymbek Kósherbaev, QR Aqparat jáne qoǵamdyq damý ministri Aida Balaeva, Qazaqstan halqy Assambleiasy Tóraǵasynyń orynbasarlary M.Bekbaeva men Z.Kýziev, Qazaqstan halqy Assambleiasynyń QR Parlamenti Májilisindegi depýtattary, Nur-Sultan, Almaty, Shymkent qalalary men oblystar ákimderiniń orynbasarlary, QHA músheleri, etnomádeni birlestikteri men jastar qanatynyń ókilderi jáne t.b. qatysty.
