Táýelsizdik jyldarynda elimizge 376 mlrd dollar shetel investitsiiasy tartyldy. Bul týraly investitsiialar jónindegi dóńgelek ústel otyrysynda QR Premer-Ministriniń orynbasary – Syrtqy ister ministri Muhtar Tileýberdi aitty, dep habarlaidy QazAqparat tilshisi.
«Biyl Qazaqstan Táýelsizdigiń 30 jyldyq mereitoiyn atap ótedi. Sońǵy 30 jylda úlken ekonomikalyq tabysqa qol jetkizdik. Jalpy ishki ónimi 170 mlrd dollarǵa jýyqtaityn Ortalyq Aziiadaǵy eń iri ekonomika sanalamyz. Óńirde jan basyna shaqqandaǵy JIÓ de eń joǵary sanalady ári halyqaralyq rezervimiz 90mlrd dollardan asady. Bul daǵdarys jáne naryqtaǵy qubylmaly jait oryn alǵankezde ekonomika turaqtylyǵyn qamtamasyz etýge múmkindik beredi», - dep atap ótti ministr.
Onyń atap ótýinshe, osy jyldyń 9 aiynda elimizdiń jalpy ishki ónimi 3,5 paiyzǵa artty. Osylaisha, Qazaqstan ekonomikasy pandemiiaǵa deiingi ósim traektoriiasyna shyqty deýge bolady. Óndiris pen qurylys sektory ósimniń negizgi kóshbasshysyna ainalyp, óziniń otasha kórsetkishnen asyp tústi. Qyzmet kórsetý sektory da oń qarqynǵa ie bolyp, 9 aidyǵ ishinde 2,7 paiyz ósim kórsetti.
«Qazaqstan ekonomikasy damýynyń basty faktory tikelei shetel investitsiiasy tartý. Búginde ol 376 mlrd dollardan asyp tústi. Sheteldik iri kompaniialar Qazaqstannyń senimdi seriktesine ainalyp, yntymaqtastyǵymyzǵa úlken úles qosty. Sonymen qatar elimizdiń áleýmettik-ekonomikalyq damýyna serpin berdi. Búgin biz jahandyq investitsiialyq qoǵamdastyqpen yntymaqtastyqtyń 30 jyldyǵyn atap ótemiz. Biz senimdi investitsiialyq seriktes retinde ózimizdi tanyta aldyq. Búgingi dóńgelek ústel ózara tiimdi yntymaqtastyǵymyzdy odan ary damytýǵa qosymsha serpin beretin bolady», - dedi Muhtar Tileýberdi.
