30 jyldyń ishinde Almaty halqynyń sany 76,8 paiyzǵa ósti, dep habarlaidy "Ult aqparat".
Ulttyq statistika biýrosynyń Almaty qalasy boiynsha departamentiniń málimetine sáikes, 30 jyl ishinde megapolis turǵyndarynyń sany 859 myń adamǵa kóbeidi.
«1991 jyldyń basynda Almaty qalasynda - 1 118,7 myń adam turdy. 2021 jyldyń 1 qańtarynda - 1 977,3 myń adamǵa jetti. 30 jyl ishinde Almaty qalasynyń halqy 859 myń turǵynǵa kóbeiip, 76,8% ósti «, - dep atap ótti departament.
Aita keteiik, elde 2002 jyldan bastap halyq sany ósiminiń turaqty úrdiske ainaldy. Ol eń birinshiden tabiǵi ósimge, ekinshiden 2004 jyly bastalǵan kóshi-qon ósimine bailanysty qalyptasty.
Halyq sanyna qatysty naqty derekti halyq sanaǵy usynady. 2020 jyldyń qazan aiynda elde úshinshi halyq sanaǵy ótti. Zertteýler ár 10 jyl saiyn júrgiziledi.
«Respýblika halqynyń jalpy sanyndaǵy Almaty qalasy halqynyń úlesi 10,5% qurady jáne basqa aimaqtarmen salystyrǵanda Túrkistan (10,8%) jáne Almaty (11%) oblystarynan tómen. 2021 jyldyń 1 sáýirindegi jaǵdai boiynsha halyq sany- 1 989 931 adamdy quraidy»,- dep habarlady vedomstvadan.
