Foto: Gov.kz
Maǵjan Jumabaevtyń 132 jyldyǵyna orai aqynnyń týǵan jeri Soltústik Qazaqstan oblysynda «KásibiGO: oina da tańda» jobasy tanystyryldy. Bul – jasóspirimderge arnalǵan kásibi baǵdar beretin ústel oiyny, dep habarlaidy Ult.kz.
Jobanyń avtory – Áliia Qaraqojaeva, kásibi baǵdar berý salasy boiynsha halyqaralyq deńgeidegi koých, PhD kandidaty. Ol 2024 jyly «Táýelsizdik urpaqtary» respýblikalyq grantyn jeńip, óz ideiasyn júzege asyrdy.
Oiyn 5–10 oqýshydan turatyn topta, 2 saǵattyq sessiia túrinde ótedi. Oiynǵa qatysýshylar ózderiniń jeke tulǵalyq ereksheligin anyqtaidy, suranysqa ie daǵdylarmen tanysady jáne bolashaq mamandyǵyn tańdai alady.
Bul oiyn Soltústik Qazaqstan, Aqmola jáne Almaty oblystarynyń mektepterinde tegin qoljetimdi bolady. Jobanyń avtory bul oiyndy qoldanatyn aimaqtardyń sanyn kóbeitkisi keledi. Sebebi jastardyń tańdaý jasaýyna oiynnyń áseri mol deidi ol.
«Mamandyq tańdaý – jasóspirim ómirindegi eń mańyzdy sheshimderdiń biri. Alaida zertteýlerge súiensek, qazaqstandyqtardyń 60%-y mamandyǵy boiynsha jumys istemeidi, al oqýshylardyń 87%-y mamandyqty ata‑ana men muǵalim yqpalymen tańdaidy. Bul jaǵdaida kásibi baǵdarlaýdyń jańa quraldaryn jasaý qajet. Biz Qazaqstandaǵy ár jasóspirimniń óz jolyn taýyp, óz tańdaýyna sanaly túrde qadam jasaǵanyn qalaimyz», – dep atap ótti Áliia Qaraqojaeva.
