Táýelsizdik - táý eter jalǵyz kiemiz. Aldymyzda atap ótiletin Táýelsizdiktiń 30 jyldyǵy qarsańynda Elbasy búgin «Táýelsizdik taǵlymy» atty maqalasyn jariialady.
Otyz jyl adamzat tarihy úshin qas qaǵym ǵana sát. Al otyz jyl táýelsiz Qazaqstan úshin ol – úlken belesterden ótý kezeńi. Elbasy san ǵasyrlyq tarihymyzǵa sholý jasai otyryp, ata-babalarymyz armandaǵan egemendik mánine toqtalǵan. «Táýelsizdik – babalar qanymen kelgen kieli qundylyq» dei kel, «Keide oilanamyn: qazaq degen ne degen tózimdi halyq?! Kónbeske kónip, shydamasqa shydaǵan. Bolashaǵy buldyr bolǵan kúnniń ózinde saǵyn syndyrmai, keleshekten úmitin úzbegen. Qiyndyq ataýlyǵa qasqaia qarsy turyp, úzdiksiz alǵa jyljyǵan» dep oi túiedi Nursultan Nazarbaev.
Tuńǵysh Prezident Resei imperiiasy kezeńindegi kezden bastap Keńestik kezeńdegi tarihymyzdaǵy qily kezeńderdi sipattaidy. Maqalada keńinen toqtalǵan 1991 jylǵy táýelsizdik jariialar kezdegi Joǵary Keńeste «Qazaqstannyń memlekettik táýelsizdigi týraly» konstitýtsiialyq zańnyń qarastyrylý barysy týraly jaǵdai.
«Elimizdiń jetekshi zańgerleriniń qatysýymen aldyn ala saralanyp, saraptamadan ótkizilip, qapysyz daiarlanǵan zań birden-aq maquldanýǵa tiis bolatyn. Onyń ústine, ózge respýblikalar mundai zańdaryn áldeqashan qabyldap qoiǵan. Biraq jaǵdai biz kútkennen basqashalaý bolyp shyqty» dep buryndary aityla qoimaǵan derekter keltiredi Nursultan Nazarbaev.
Talqylaý ábden tyǵyryqqa tirelgen kezde Prezident 16 jeltoqsan kúni Joǵarǵy Keńeske kelip, depýtattarǵa mán-jaidy ózim túsindirip, olardyń bul sheshimin búkil Qazaqstan halqy, kúlli álem jurty kútip otyrǵanyn bylaisha jetkizedi: «Bul zańdy qabyldaýymyz kerek, óitkeni jalǵyz biz ǵana qaldyq. Kópultty Qazaqstan halqynyń aldynda bizdiń arymyz taza. Bul – barlyǵy ár sózine úńile otyryp oqityn mańyzdy zań. Meniń sailaýaldy baǵdarlamam, biz sheshkeli otyrǵan barlyq máselelerdiń túiini – osy. Basty másele – memlekettik táýelsizdik máselesi. Artyq shúiligýdiń, eshqandai mán-mańyzy joq sózderdi qosýdyń qajeti joq. Zańdy osy kúiinde basym kópshilik daýys arqyly qabyldaý kerek dep sanaimyn. Barshańyzdan osyǵan beiildilik bildirýlerińizdi suraimyn». Osy sózden keiin biraz depýttar sabasyna túsip, zań jobasy kópshilik daýyspen qabyldanady.
Elbasy táýelsizdik jariialaǵan keiingi reformalar týraly jáne olardyń máni men mańyzdylyǵyn túsindiredi. Jańa Konstitýtsiiany qabyldaý, strategiialardy qabyldaý, shekarany bekitý jáne taǵy da basqa zor aýqymdy isterdiń basy qasynda bolǵan adam retinde beinelidi.
Nursultan Nazarbaev otyz jylǵa jýyq el basqarǵan kezinde kóp azamattardy memleket basqarý isine tárbielegenin maqtanyshpen jetkizedi. Solardyń ishinde Úkimet basqarǵan, Birikken Ulttar Uiymy bas hatshysynyń orynbasary retinde jahandyq saiasatqa jetiktigin tanytqan, táýelsizdiktiń alǵashqy jyldarynan bastap qasymnan tabylǵan naǵyz patriot, joǵary bilikti kásipqoi tulǵa Qasym-Jomart Kemeluly Toqaevty Prezidenttik qyzmetke usynǵanyn tebirene jazady.
Elbasy: «Prezident aýysady, biraq Táýelsizdik máńgilik bolýy kerek. Ár qazaqstandyq aldaǵy ýaqytta onyń tuǵyryn nyqtap, eńsesin tiktep, abyroiyn asyrýǵa qyzmet etýge tiis. «Máńgilik el» ideiasynyń túpki maqsaty osynda. Eń bastysy – elimiz aman, urpaǵymyz azat. Biz alaqanǵa salyp ósirgen sol azat urpaq endigi jerde «Men Qazaqstanyma ne beremin?» degendi oilaýy kerek» dep táýelsizdiktiń negizgi taǵylymyn keltiredi.
Bul maqalada táýelsizdikke jetý joly men ony bekitý jolyndaǵy eldiktiń joly yqsham túrde beriledi. Otyz jyl - qysqa ýaqyt, biraq jańa Qazaqstan úshin eń qiyn da qasterli kezeń.
Eldos Jumaǵulov, saiasattanýshy
