Qazaqstan Respýblikasy Táýelsizdiginiń 29 jyldyǵyna orai, elordalyq mádeniet oshaqtary kórmeler men kontsertter, qoiylymdar, premeralar jáne synyp saǵattaryn usynady. Is-sharalardy úiden shyqpai-aq onlain rejimde tamashalaýǵa bolady, dep habarlaidy "Ult aqparat" Nur-Sultan qalasy mádeniet basqarmasynyń baspasóz qyzmetine silteme jasap.
Táýelsizdik saraiynyń birinshi qabatynda jeltoqsan boiy merekege orai «Táýelsizdiktiń belgisi – Nur-Sultan» kórmesi ashyldy.
Ekspozitsiiany Instagram-daǵy @tauelsizdik_sarayi paraqshasynan da tamashalaýǵa bolady.
14-16 jeltoqsan aralyǵynda Nur-Sultan qalasy ákimdiginiń jańa Jastar mýzykalyq teatry qala turǵyndary men qonaqtaryn M.Áýezovtiń «Abai-Toǵjan» mýzykalyq dramasynyń premerasyna shaqyrady.
Merekege orai Nur-Sultan qalalyq Memlekettik akademiialyq filarmoniiasy qala turǵyndaryn «Táýelsizdik – tuǵyrym» onlain kontsertine shaqyrady.
Facebook, Instagram paraqshalarynda jáne filarmoniianyń YouTube-arnasynda transliatsiia júrgiziledi.
Tarihi-mádeni mura eskertkishteri men nysandarynyń saqtalýyn qamtamasyz etý jónindegi direktsiia Saltanat qaqpasynda qazirgi zamanǵy beineleý óneriniń kórmesin jáne «Táýelsizdik – máńgilik el muraty» taqyryptyq ekspozitsiiasyn uiymdastyrady.
15-17 jeltoqsan aralyǵynda saiasi qýǵyn-súrgin jáne totalitarizm qurbandarynyń «ALJIR» memorialdy-murajai kesheni óziniń YouTube kanalynda jáne resmi akkaýnttarynda «Táýelsizdik tuǵyry biikte» atty onlain kórmesin usynady.
Sáken Seifýllin murajaiy da el Táýelsizdiginiń 29 jyldyǵyna orai merekelik is-sharalar daiyndady.
15 jeltoqsanda Seifullin_museum paraqshasynda «Táýelsizdiktiń altyn arqaýy – ana tilim» chellendji uiymdastyrylady, oqýshylar mánerlep óleń oqidy.
Kúndiz murajai ujymy «Táýelsizdik – uly baqyt» atty onlain kórme ótkizedi.
Oqyrmandarynyń oi-órisin keńeitý úshin kóptegen tanymdyq oiyndar, tarih saǵattary men sabaqtaryn kitaphana júiesi uiymdastyrady.
Barlyq is-sharalar onlain rejimde qalalyq kitaphanalardyń áleýmettik jelilerdegi paraqshalarynda ótedi.
Mereke kúnderi elordalyqtar men qala qonaqtaryna qalalyq teatrlar qoiylym qoiady.
15 jeltoqsan kúni saǵat 19:00-de Jastar teatrynyń ártisteri kórermenderge «Nartáýekel» dramalyq poemasynyń qoiylymyn usynady. «NAZ» memlekettik bi teatry «Tuiǵyndar» horeografiialyq spektaklin usynady.
15 jáne 16 jeltoqsan kúnderi saǵat 19:00-de Nur-Sultan qalasy ákimdiginiń «Nomad City Hall» qonaqtaryn «Jas Abai» spektakliniń premerasyna shaqyrady.
M. Gorkii atyndaǵy Memlekettik akademiialyq orys drama teatry kórermender úshin 15 jeltoqsan kúni keshke N. Gogoldiń «Jenitba» komediiasyn usynady.
Kelesi kúni onlain formatta Sáken Seifýllin, Beiimbet Mailin jáne Iliias Jansúgirovtyń «Krylataia ispoved volnyh serdets» shyǵarmalary boiynsha teatr ujymy mýzykalyq-poetikalyq kompozitsiiasyn sahnalaidy.
16 jeltoqsan kúni saǵat 12:00, 14:00 jáne 16:00-de qýyrshaq teatry «Atameken« patriottyq qoiylymyn usynady.
Osy kúni tsirk qoiylymy men elordalyq tsirk uiymdastyrǵan derekti baǵdarlamany myna paraqshadan kórýge bolady.
Al áleýmettik jelilerde Jastar saraiynyń «Jiger» estradalyq-djaz ansambliniń mýzykalyq quttyqtaýy ótedi.
Aita keteiik, barlyq is-sharalar sanitarlyq talaptarǵa sai ótkiziledi.
