Foto: Almaty ákimdigi
Almatyda Táýelsizdik kúni men Jeltoqsan oqiǵasynyń 39 jyldyǵyna arnalǵan is-sharalar jospary bekitildi, dep habarlaidy Ult.kz.
Qala ákimdiginiń málimetinshe, 16-17 jeltoqsan qarsańynda memlekettik mekemelerde, qala kitaphanalary men bilim berý uiymdarynda taqyryptyq kezdesýler, patriottyq jáne ádebi-mýzykalyq keshter, dóńgelek ústelder, tarihi-tanymdyq saǵattar, dárister, ádebi oqýlar jáne basqa da mańyzdy datalarǵa arnalǵan is-sharalar ótedi.
Osy kúnderi Respýblika alańyndaǵy Táýelsizdik monýmentine jáne «Táýelsizdik tańy» eskertkishine dástúrli gúl qoiylady. Oǵan qala basshylyǵy, máslihat depýtattary, Qoǵamdyq keńes músheleri, 1986 jylǵy oqiǵaǵa qatysýshylar, etnomádeni birlestikter ókilderi jáne jastar qatysady.
17 jeltoqsanda qalanyń barlyq segiz aýdanynda 1986 jylǵy Jeltoqsan oqiǵasynda qaza bolǵandardy eske alýǵa arnalǵan as beriledi.
Buǵan qosa, qala tórt memlekettik áleýmettik jobany júzege asyryp jatyr. Atalǵan jobalar aiasynda qaiyrymdylyq aktsiialary, sporttyq týrnirler, shyǵarmashylyq jáne patriottyq is-sharalar, taqyryptyq konferentsiialar men baiqaýlar ótkizý josparlanǵan.
