Búgin Shyǵys Qazaqstan oblysy Aiagóz aýdany Aqtoǵai aýylyna mamandandyrylǵan merekelik «Táýelsiz Qazaqstan» jolaýshylar poiyzy keldi. Temir jol vokzalynyń perronynda 7 ministrlik jáne 3 qazaqstandyq ulttyq kompaniia ókilderinen quralǵan «Táýelsiz Qazaqstan» poiyzynyń delegatsiiasy saltanatty túrde qarsy alyndy, dep habarlaidy "Ult aqparat".
Málim boǵlandai, arnaiy poiyzdyń eldi mekenderge sapary Qazaqstan Táýelsizdiginiń 25-jyldyǵyna arnalǵan respýblikalyq aktsiia aiasynda ótýde. Búgin Aqtoǵai aýylynyń turǵyndary bilim berý, meditsina, áleýmettik qamsyzdandyrý, quqyqtaný, aýyl sharýashylyǵy máseleleri boiynsha poiyzdyń bilikti mamandarynan aqyl-keńes alý múmkindigine ie.
Meditsinalyq qyzmetkerler patsientterdi qabyldap, jergilikti halyqqa konsýltatsiialyq qyzmetter kórsetedi. Odan bólek, birneshe aqparattyq-túsindirme jumystary josparlanǵan. Máselen, Táýelsizdiktiń 25-jyldyǵyna arnalǵan «25 jyldyń belesteri», «Model mira i soglasiia - brend Kazahstana», «Kazahstanskaia identichnost kak faktor lichnoi otvetstvennosti kazahstantsev» dáris-prezentatsiialary ótedi.
«Táýelsiz Qazaqstan» poiyzy delegattarynyń jumysy aiaqtalǵan soń, Aqtoǵai aýylynda kontsert ótedi. Al erteń poiyz Shyǵys Qazaqstan oblysynyń ortalyǵy - Óskemen qalasyna, Zashita stantsiiasyna barady. Eske sala ketsek, kólemdi respýblikalyq aktsiiany Qazaqstan halyqtar assambleiasy uiymdastyrdy. Onyń maqsaty - egemendik jyldaryndaǵy el jetistikterin, bastamalaryn nasihattap, xalyq rýhyn kóterýge negizdelgen.
Astanalyq poiyz 35 eldi mekendi aralap, óz jumysyn 14 jeltoqsan kúni Táýelsizdik kúni qarsańynda Almaty qalasynda aiaqtaityn bolady. Shyǵys Qazaqstanda poiyz 7 qarashaǵa deiin bolady.
