Saýda ministrliginiń alqa májilisinde «Taýarlardyń ulttyq katalogy» jobasyn ázirleý týraly aityldy, dep habarlaidy "Ult aqparat".
Atalǵan vedomstvonyń vitse-ministri Ásel Janasovanyń sózine qaraǵanda, Taýarlardyń ulttyq katalogynyń jobasyn ázirleý «Qazaqtelekom» AQ-men birlesip júrgizilip jatyr. Jobanyń maqsaty - naryqqa qatysýshylar úshin taýardyń tsifrlyq pasportyn usyný.
«Búginde 2021 jylǵy 1 qazannan bastap áleýmettik mańyzdaǵy azyq-túlik taýarlaryn kodtaý boiynsha pilottyq jobany ótkizý boiynsha ádistemelik usynymdar bekitildi, sondai-aq interfeis maketi ázirlendi».
Vitse-ministr óz baiandamasynda katalogta media kontent, salmaq-kólem jáne basqa da tutyný sipattamalary bar taýarlardyń tsifrlyq kóshirmeleri qamtylatynyn, al 2021 jyldyń sońyna deiin katalogta 30 000 taýar túri qoljetimdi bolatynyn aitty.
