Shymkent qalasynda sabaq barysynda bolǵan oqiǵa kópshiliktiń nazaryn aýdardy, dep habarlaidy ult.kz.
Oqýshylardyń biri kámpit jep otyryp, kenetten qaqalyp, tynysy tarylyp qalǵan. Sol sátte synypta bolǵan muǵalim dereý áreket etip, oqýshyǵa alǵashqy kómek kórsetken. Ustazdyń jedel ári durys qimylynyń arqasynda bala aman qalyp, jaǵdaiy turaqtalǵan.
Oqiǵanyń bári synyptaǵy beinebaqylaý kamerasyna túsip qalǵan. Keiin bul video áleýmettik jelilerde taralyp, kópshiliktiń qyzý talqysyna tústi. Jeli qoldanýshylary muǵalimniń kásibi sheberligi men jedel sheshim qabyldaý qabiletine joǵary baǵa berip, alǵystaryn jaýdyryp jatyr.
