15-18 naýryz kúnderi aralyǵynda Tatarstannyń Qazan qalasynda Qazaq kinosynyń kúnderi ótedi. Bul týraly Reseidegi Qazaqstan elshiliginiń resmi saitynda habarlandy.
«Mir» kinoteatryna kelýshilerdiń nazaryna alty kinofilm usynylatyn bolady. Olar - «Juldyzdar toǵysqanda», «Qazaq handyǵy. Almas qylysh», «Ámire», «Oralman», «Talan» jáne «Anaǵa aparar jol».
«Qazandaǵy kórsetilimnen soń Qazaq kinosynyń aptalyǵy Tatarstannyń aýdandarynda jalǵasady. Barlyq kórsetilimderge kirý tegin», - delingen elshilik málimetinde.
