Foto: RIA Novosti
Tatarstannyń Joǵarǵy soty Ilnaz Galiavievti Qazan gimnaziiasynda toǵyz adamdy óltirdi dep tanyp, ómir boiyna bas bostandyǵynan aiyrý jazasyna kesti, dep habarlaidy Azattyq Ruhy agenttigi RIA Novostige silteme jasap.
«Qylmystardyń jiyntyǵyn negizge ala otyryp, Galiavievke 200 myń rýbl aiyppul salynýmen qatar, erekshe rejimdegi túzeý koloniiasynda ómir boiyna bas bostandyǵynan aiyrý jazasy taǵaiyndaldy», - dedi sýdia.
Sot jábirlenýshilerdiń talaptaryn ishinara qanaǵattandyrdy.
Tatarstan prokýrory Ildýs Nafikov Galiavievti ómir boiyna bas bostandyǵynan aiyrýdy surady. Onyń usynysy boiynsha ol alǵashqy bes jylyn túrmede, qalǵanyn erekshe rejimdegi koloniiada ótkizýi kerek edi. Sottalýshynyń ózi túrmege jibermeýdi surap, jábirlenýshilerge barlyq talaby úshin ótemaqy tóleýge ýáde berdi.
Eske salaiyq, 2021 jyldyń 11 mamyrynda sol kezde 19 jasta bolǵan Galiaviev buryn ózi oqyǵan №175 gimnaziiada oqýshylarǵa oq jaýdyrǵan. Oqtan jeti oqýshy men eki muǵalim qaza taýyp, taǵy 23 adam jaraqat aldy, onyń ishinde 20 bala bar.
Galiaviev oqiǵa ornynda ustaldy, keiin ol óz kinásin tolyq moiyndady. Tergeýshilerdiń aitýynsha, jas jigit internetten oqyǵan «destrýktivti sýbmádenietterdiń biriniń beiresmi ókilderiniń áreketine eliktegen» jáne shabýyl jasaý kezinde solardyń mánerimen árket etken.
Sot sheshimimen oǵan tórt adam óltirý, adamdardy óltirýge oqtalý, jarylǵysh qurylǵylardy zańsyz jasaý jáne bóten múlikti qasaqana joiý boiynsha aiyp taǵyldy. Is boiynsha 667 adam jábirlenýshi dep tanyldy (onyń 143-ine aýyr ziian keltirilgen).
