Búgin Qutqarýshy Hristos hramynda Qazaqstan Respýblikasynyń Resei Federatsiiasyndaǵy Tótenshe jáne Ókiletti Elshisi Imanǵali Tasmaǵambetov Máskeý jáne búkil Resei Patriarhy Kirillge I dárejeli "Dostyq" ordenin tapsyrdy, dep habarlaidy "Ult aqparat" elshiliktiń baspasóz qyzmetine silteme jasap.
"Qazaqstan Respýblikasynyń Prezidenti N.Á.Nazarbaevtyń Jarlyǵymen Orys pravoslav shirkeýiniń jetekshisi "memlekettik jáne qoǵamdyq qyzmetke, eldiń áleýmettik-ekonomikalyq jáne mádeni damýyna qosqan úlesi, halyqtar arasyndaǵy dostyq pen yntymaqtastyqty nyǵaitýdaǵy sińirgen eńbegi úshin" joǵary nagradaǵa ie boldy", delingen baspasóz habarlamasynda.
Imanǵali Tasmaǵambetov osynaý aitýly kúni Qazaqstan Respýblikasy men el Prezidenti Nursultan Nazarbaevtyń atynan nagrada tapsyrý úlken mártebe ekenin aitty. "Bul Sizdiń beibitshilik pen kelisimdi, eki eldiń halyqtary arasyndaǵy dostyq qarym-qatynastardy nyǵaitýdaǵy tynymsyz ári ólsheýsiz eńbegińizge degen airyqsha qurmet", – dep atap ótti qazaqstandyq diplomat.
