Shyǵys Qazaqstan oblysy ákiminiń orynbasary Serik Aqtanov bastaǵan arnaiy komissiia tekserý jumystaryn júrgizýde. Baǵalaý komissiiasynyń mamandary sý basqan úilerdi tekserýden ótkizýdi bastady. Shyǵys Qazaqstan oblysynyń Aiagóz aýdanynda 34 otbasy jańa baspana alady, dep habarlaidy "Ult aqparat" ShQO Aqparat ortalyǵyna silteme jasap.
«Osy aptanyń sońyna deiin qaita jóndeýge kelmeitin 52 úidiń 34-inde turatyn otbasy jańa baspanaǵa kóshe alady. Bul burynǵy úilerge qaraǵanda áldeqaida sapaly, múlde basqa úiler. Qalǵan 18 úi boiynsha suraqtar týyndady. Olardy komissiia tekseredi", - dedi ShQO ákimi Danial Ahmetov.
Shyǵys Qazaqstan oblysy ákiminiń orynbasary Serik Aqtanov bastaǵan arnaiy komissiia tekserý jumystaryn júrgizýde. 22 úige jóndeý jumystary júrgizilýde. Úileri qalpyna keltirýge kelmeitin 52 otbasynyń 16-sy jańa baspanaǵa kóshti. Odan bólek taǵy 18 úidi satyp alý jóninde qujattar ázirlenýde. Danial Ahmetovtyń aitýynsha, 3-4 kún ishinde taǵy 18 otbasy úimen qamtylady.
Zardap shekkenderge baspana satyp alý úshin barlyǵy 200 million teńgeden astam qarajat bólindi. Oblys ákiminiń rezervinen – 80 mln teńge, aýdan ákimshiligi rezervinen – 42,3 mln teńge, «Paryz» qorynan – 100 mln teńge bólindi.
Eske sala ketsek, evakýatsiialanǵan 515 adamnyń búginde 408-i úilerine qaita oraldy.
