3 aqpan kúni Tashkentte S5+1 formatyndaǵy ministrler kezdesýi ótedi, dep habarlaidy QazAqparat.
Kezdesýge Qazaqstan, Qyrǵyzstan, Tájikstan, Túrikmenstan, Ózbekstan syrtqy ister ministrleri men AQSh-tyń memlekettik hatshysy Maik Pompeo qatysady.
«Qazaqstan S5+1 dialogy aiasyndaǵy seriktesýdiń aimaqtyq formatyn belsendi túrde qoldaidy. Erteń biz Tashkentte S5+1 dialogy aiasynda ministrler kezdesýin ótkizýdi josparlap otyrmyz. AQSh-tyń aimaqtyq jobalarǵa uzaq merzimdi qatysýy Ortalyq Aziia aimaǵynyń ekonomikasyna investitsiialar men tehnologiialardy tartýdy júzege asyrady, memleketterimizdiń ómir súrý sapasyn jaqsartýdy qamtamasyz etedi, sonymen qatar kórshi elderge tabysty eksport jasaýǵa múmkindik beredi. Bul AQSh-tyń Ortalyq Aziiadaǵy strategiiasynyń basym baǵyttarynyń biri, ol bizdiń aimaqpen seriktestikti nyǵaita túsedi», - deidi QR Syrtqy ister ministri Muhtar Tileýberdi QR SIM-de ótken baspasóz konferentsiiasynda.
Erteń bolatyn S5+1 formatyndaǵy kezdesý týraly Maik Pompeo da pikir bildirdi.
«C5 +1» formatyndaǵy kezdesýdiń lańkestik pen ekstremizm máselelerin sheshýdegi yntymaqtastyq salasyndaǵy jetistikterin atap ótkim keledi. Bul toptaǵy Qazaqstannyń kóshbasshylyǵy alǵa qoiylǵan mindetterdiń oryndalýyn qamtamasyz etedi. Erteń bolatyn Tashkenttegi kezdesýdi asyǵa kútem», - dedi ol.
