3 اقپان كٷنٸ تاشكەنتتە س5+1 فورماتىنداعى مينيسترلەر كەزدەسۋٸ ٶتەدٸ, دەپ حابارلايدى قازاقپارات.
كەزدەسۋگە قازاقستان, قىرعىزستان, تەجٸكستان, تٷرٸكمەنستان, ٶزبەكستان سىرتقى ٸستەر مينيسترلەرٸ مەن اقش-تىڭ مەملەكەتتٸك حاتشىسى مايك پومپەو قاتىسادى.
«قازاقستان س5+1 ديالوگى اياسىنداعى سەرٸكتەسۋدٸڭ ايماقتىق فورماتىن بەلسەندٸ تٷردە قولدايدى. ەرتەڭ بٸز تاشكەنتتە س5+1 ديالوگى اياسىندا مينيسترلەر كەزدەسۋٸن ٶتكٸزۋدٸ جوسپارلاپ وتىرمىز. اقش-تىڭ ايماقتىق جوبالارعا ۇزاق مەرزٸمدٸ قاتىسۋى ورتالىق ازييا ايماعىنىڭ ەكونوميكاسىنا ينۆەستيتسييالار مەن تەحنولوگييالاردى تارتۋدى جٷزەگە اسىرادى, مەملەكەتتەرٸمٸزدٸڭ ٶمٸر سٷرۋ ساپاسىن جاقسارتۋدى قامتاماسىز ەتەدٸ, سونىمەن قاتار كٶرشٸ ەلدەرگە تابىستى ەكسپورت جاساۋعا مٷمكٸندٸك بەرەدٸ. بۇل اقش-تىڭ ورتالىق ازيياداعى ستراتەگيياسىنىڭ باسىم باعىتتارىنىڭ بٸرٸ, ول بٸزدٸڭ ايماقپەن سەرٸكتەستٸكتٸ نىعايتا تٷسەدٸ», - دەيدٸ قر سىرتقى ٸستەر مينيسترٸ مۇحتار تٸلەۋبەردٸ قر سٸم-دە ٶتكەن باسپاسٶز كونفەرەنتسيياسىندا.
ەرتەڭ بولاتىن س5+1 فورماتىنداعى كەزدەسۋ تۋرالى مايك پومپەو دا پٸكٸر بٸلدٸردٸ.
«C5 +1» فورماتىنداعى كەزدەسۋدٸڭ لاڭكەستٸك پەن ەكسترەميزم مەسەلەلەرٸن شەشۋدەگٸ ىنتىماقتاستىق سالاسىنداعى جەتٸستٸكتەرٸن اتاپ ٶتكٸم كەلەدٸ. بۇل توپتاعى قازاقستاننىڭ كٶشباسشىلىعى العا قويىلعان مٸندەتتەردٸڭ ورىندالۋىن قامتاماسىز ەتەدٸ. ەرتەڭ بولاتىن تاشكەنتتەگٸ كەزدەسۋدٸ اسىعا كٷتەم», - دەدٸ ول.
