Táýelsizdiktiń 30 jyldyǵy aiasynda Tashkentte eki el sarapshylarynyń qatysýymen «Qazaqstan-Ózbekstan: ózara tiimdi yntymaqtastyqtyń bolashaǵy men keleshegi» atty halyqaralyq dóńgelek ústel otyrysy ótti.
Is-sharany Qazaqstan Respýblikasy Elshiliginiń qoldaýymen «Bilim kerýeni» memlekettik emes ǵylymi mekemesi uiymdastyrdy, dep habarlaidy "Ult aqparat".
Is-sharanyń moderatory bolǵan «Karavan znanii» MǴM direktory Farhod Tolipov táýelsizdiktiń 30 jyldyq mereitoiy eki memleket yntymaqtastyǵynyń saiasi, ekonomikalyq, mádeni-gýmanitarlyq jáne diplomatiialyq aspektilerin talqylaý úshin jaqsy sebep ekenin aitty.
Qazaqstan elshisi Darhan Satybaldy turaqty jáne tiimdi bailanystardyń arqasynda qol jetken ózbek-qazaq qatynastarynyń, tatý kórshilik pen strategiialyq áriptestiktiń qazirgi joǵary deńgeiine nazar aýdardy.
«Táýelsizdik kezeńinde Qazaqstan men Ózbekstannyń kópǵasyrlyq dostyǵynda mańyzdy eki qujat boldy: Máńgilik dostyq týraly shart jáne Strategiialyq áriptestik týraly shart. Sońǵy jyldary elderimiz arasyndaǵy ózara is-qimyl sapaly jańa deńgeige shyqty. Biz yntymaqtastyqtyń barlyq baǵyty boiynsha ozyq nátijelerge qol jetkizdik. Qazaqstan men Ózbekstan ekijaqty bailanystar tarihynda jańa taraýǵa ótti», – dedi Satybaldy.
Qazaqstandyq diplomat qatysýshylarǵa halyqaralyq jáne óńirlik saiasat, saýda-ekonomikalyq, investitsiialyq jáne mádeni-gýmanitarlyq yntymaqtastyq máseleleri boiynsha eki eldiń ózara is-qimyly týraly egjei-tegjeili aityp berdi.
«Osylaisha, Qazaqstan-Ózbekstan qarym-qatynastary ózara is-qimyldyń barlyq spektri boiynsha jaqsy damyp, Ortalyq Aziia keńistigindegi turaqtylyq pen qaýipsizdiktiń kepili sanalatyn ekijaqty yntymaqtastyqtyń tabysty modeline ainaldy», – dep túiindedi Satybaldy.
Moderator Farhod Tolipov «Qazaqstan men Ózbekstannyń strategiialyq áriptestigi – yntymaqtastyqtyń erekshe túri» atty baiandamasynda qazirgi ýaqytta jańa dáýirdi bastan keship jatqan eki eldiń táýelsizdigi qarsańyndaǵy integratsiialyq protsestiń tarihi aspektilerin qozǵady.
«Kelesi kezeń – Ortalyq Aziianyń óńir qurylysy boiynsha kúsh-jigerdi shoǵyrlandyrý. Qazirgi ýaqytta óńir elderi HHI ǵasyrda Ortalyq Aziiany damytý maqsatynda dostyq, tatý kórshilik jáne yntymaqtastyq týraly bes jaqty memleketaralyq qujatty birlesip daiyndaýda», – dedi F. Tolipov.
Bul kózqarasty Ózbekstan Respýblikasynyń Qazaqstandaǵy eks-elshisi Turdyqul Býtaiarov qoldady, ol: «Stereotipterden arylyp, ár eldi jekelep qaramaityn kez keldi, óńirdi tutastai qarap, osy baǵytta damý kerek, bul ujymdyq strategiialyq yntymaqtastyqqa jańa kókjiekter ashady», - dep atap ótti.
Dóńgelek ústel aiasynda qoǵam qairatkeri Aziza Ýmarova, ǵalymdar – Bahtier Irismetov, Zokir Ýsmanov, Ravshan Nazarov sóz sóiledi, olar óz sózderinde mádeni-gýmanitarlyq, ǵylymi jáne ekonomikalyq yntymaqtastyqtyń qozǵaýshy kúshi bolatyn jańa bailanystar jaiynda aitty.
