QR IIM Tergeý departamentiniń bastyǵy Sanjar Ádilov qańtardaǵy tártipsizdik kezinde qansha politsei aýyr jaraqat alǵanyn aitty, dep habarlaidy QazAqparat.
«Buryn habarlanǵandai, shabýyldaýshylar tarapynan qylmystyq áreketterdiń jolyn kesý, ákimshilikter men politsiia ǵimarattaryna shabýyldardy toitarý barysynda 3 myńnan astam quqyq qorǵaý organy qyzmetkeri men áskeriler túrli dene jaraqattaryn aldy. Olardyń 107-si aýyr jaraqat aldy. Onyń ishinde bas súieginiń synýy, pyshaq jaraqattary, kúiikke shaldyǵý jáne ózge aýyr zardaptarmen emdelip jatyr», - dedi S. Ádilov.
Onyń aitýynsha, biyǵy 5 qańtarda Atyraýda tártipsizdikter kezinde oblystyq ákimshilik ǵimaratyna shabýyl barysynda qoǵamdyq tártipti kúzetýge tartylǵan qarýsyz politsiia qyzmetkerin qatygezdikpen uryp-soqqan jergilikti turǵyn ustaldy.
«Videodan kóringendei, ashýly tobyr politsiia qyzmetkerin qorshap alyp, soqqyǵa jyqqan. Osynyń saldarynan ol qulaǵan kezde, kúdikti adam onyń basyna soqqylar jasaǵan. Kúdikti sot sanktsiiasymen kúzetpen ustaýǵa alyndy», - dedi S. Ádilov.
