Tarihta tuńǵysh ret eki áiel ashyq ǵaryshqa shyqty. Amerika astronavtary Kristina Kýk jáne Djessika Meir halyqaralyq ǵarysh stantsiiasynda aqaý paida bolǵan syrtqy energiia blokty almastyrýy tiis bolǵan. Bul protsess shamamen alty jarym saǵatqa sozylýy múmkin dep habarlady juma kúni NASA ǵarysh agenttigi.
Agenttiktiń habarlaýynsha, Kýk pen Meir jóndeýi tiis energiia bloktaǵy aqaý halyqaralyq ǵarysh stantsiiasynyń jumysyna qaýip tóndirmeidi, tek qosymsha energiia kózinen aiyrýy múmkin.
Bortinjener Djessika Meir halyqaralyq ǵarysh stantsiiasyna qyrkúiek aiynyń sońynda kelgen. Ol reseilik "Soiýz MS-15" ǵarysh apparatynyń bortynda bolǵan ǵaryshkerlermen birge ushyp kelgen. Meir uzaq ýaqytqa sozylatyn ǵarysh ekspeditsiiasyna qatysady.
MKS-59/60 baǵdarlamasynyń bortinjeneri Kristika Kýk halyqaralyq ǵarysh stantsiiasynda naýryz aiynyń ortasynan beri júr. Jospar boiynsha, 2020 jyly aqpan aiynda Jerge oralady. Ol sol kezde ǵaryshta eń kóp bolǵan alǵashqy áiel-astronavt (335 kún) atanbaq.
