Foto: olympic.kz
Fristail-akrobatikadan Qazaqstan quramasynyń sportshysy Dinmuhammed Raiymqulov Almatyda ótip jatqan jasóspirimder arasyndaǵy álem chempionatynda altyn medal jeńip aldy, dep habarlaidy Ult.kz Olympic.kz silteme jasap.
Sportshy 97.11 upai jinap, úshinshi aralyq nátijemen finaldyq altylyqqa ótti. Dál osyndai upaidy irikteý kezeńinde kanadalyq Elliot Biýregar da jinaǵan bolatyn. Al irikteýden keiingi kóshbasshy Qytai sportshysy Iýihen Ian boldy – 101.79 upai.
Finaldyq oryndaýynda Dinmuhammed 104.52 upai jinap, tóreshilerdiń sheshimimen jeńiske jetti.
Ekinshi oryndy Qytailyq Iýihen Ian (101.79), al qola medaldi taǵy bir qytailyq sportshy Chjichen Ian (94.82) ielendi.
Aita keteiik, Qazaqstan quramasy atalmysh sport túrinen alǵash ret altyn medalǵa ie boldy.
