Nur-Sultanda Eýropa ligasy toptyq kezeńiniń besinshi týry aiasynda "Astana" aǵylshynnyń "Manchester Iýnaited" klýbymen oinady.
Matchta elordalyq komanda 2:1 esebimen jeńiske jetti. 10-minýtta Djessi Lingard "Manchester Iýnaitedti" alǵa shyǵarsa, 55-minýtta Dmitrii Shomko tablodaǵy esepti teńestirdi.
Al, qarsylas komandanyń qorǵaýshysy Dishon Bernardtyń avtogoly qazaqstandyqtarǵa jeńis ákeldi.
Osylaisha, «Astana» Angliianyń 20 márte chempiony, Chempiondar ligasynyń eki dúrkin jeńimpazynan basym túsip, Qazaqstan fýtbolyndaǵy tarihi jeńisine qol jetkizdi. Sonymen qatar, búgingi kezdesýmen elordalyq ujym óz alańynda ótkizetin biylǵy oiyndardy qorytyndylady.
Aita keteiik, elordalyq klýb óz tobynda sońǵy orynda kele jatyr. Úshinshi satydaǵy serbiialyq "Partizannyń" qorjynynda tórt upai bar.
