QR Memlekettik hatshysy Qyrymbek Kósherbaev ulttyq arhivtiń mańyzy men róli týraly aityp berdi, dep habarlaidy QazAqparat.
«Tuńǵysh Prezidentimiz – Elbasy Nursultan Nazarbaevtyń kemeńgerligi men kóregendiginiń jáe halqymyzdyń taǵattylyǵy men yntymaq-birliginiń arqasynda asqar asýlar men biik belesterdi baǵyndyrdyq. Eńseli elge ainaldyq. Adam sanasy tuńǵiyǵyna jetip bolmaityn, ushy-qiyrsyz tarihtyń asyl qazynasy ol arhiv. Arhiv – shejire-kenish, shejire-syr. Arhivtegi dálelder men derekter qory ótkenniń óshpes ónegesin óshirmei, óskeleń urpaqqa amanattaityn aqiqat ainasy. Olai bolsa mereili merekemiz Táýelsizdiktiń 30 jyldyǵymen tuspa-tus kelip otyrǵan tarihtyń qara shańyraǵy Ulttyq arhivtiń 15 jyldyq mereitoiy qutty bolsyn. Elimizdiń baitaq tarihi shejiresinen syr shertetin arhivtegi ár qujat qundy. Mundaǵy ár is-qaǵaz óskeleń urpaqqa shashaýy shyqpaǵan kúide jetkiziledi», - delingen Qyrymbek Kósherbaevtyń «Táýelsizdik jáne Elbasy: jasampazdyqtyń jańa tarihy» halyqaralyq ǵylymi-praktikalyq konferentsiia qatysýshylaryna arnalǵan alǵy sózinde.
Onyń aitýynsha, arhiv mamandaryna júkteletin jaýapkershiliktiń jóni bólek.
«Kez kelgen adam tarihymyzdyń aqtańdaqtaryn aiǵaqtaityn kóneden jetken qoljazbalardan bastap, qazirgi zamanǵy resmi jáne beiresmi qujattar arqyly ata-baba shejiresine úńilip, tyń derekterge qanyq bolady, ótkendi saralap, keleshekti týralaýǵa múmkindik alady. Ótkendi zerdelemei, keleshektiń órkendemeitini belgili. Tarih qoinaýyna tereńdep engen árbir ǵasyrdyń, árbir kezeńniń ózindik mańyzy men erekshelikteri, aiqyndalatyn aitýly oqiǵalary jáne jylnamalary bar. Osy rette arhiv isine júkteletin jaýapkershilik orasan zor. Arhiv – ata-babalarymyzdyń tarihyn ǵana emes olardyń arman tilegin, aqyl-oiyn, danalyǵy men daralyǵyn, parasaty men ónege ósietterin saqtap otyratyn kieli oryn», - deidi ol.
Sondai-aq, Memlekettik hatshy arhiv salasyndaǵy zertteýlerdi qolǵa alý kerektigin eske saldy.
«Arhiv qoryndaǵy árbir qujat ótkendi saralaityn, tarihty túgendeitin, ekinshi nusqasy joq aqparat. Aiǵaqtar men dáiekter arqyly kómkerilgen tarihi sana. Túptep kelgende ulttyq sanany qalyptastyratyn qundy qural. Tarihymyzdyń tereńdigin, Táýelsizdigimizdiń tuǵyryn, memlekettiligimizdiń baiandylyǵyn tórtkúl dúniege moiyndatýdaǵy Qazaqstan arhivteriniń róli óte zor. Osy oraida biz ǵalymdardan ejelgi dáýirden qazirgi zamanǵa deiingi kezeńdi qamtityn barlyq otandyq jáne sheteldik muraǵattar dúniesine eleýli, irgeli zertteýlerdi kútemiz», - dedi Q. Kósherbaev.
Qurmetti konferentsiiaǵa qatysýshylar, sizderge shyǵarmashylyq tabys tileimin. Elimizdiń ósip-órkendeýi men keleshegimizdiń kemeldigi jolyndaǵy jasampaz isterińiz nátijeli bolsyn.
