«Qazaqmys Enerdji» JShS óndiristik bóliminiń bastyǵy Elena Iakovleva elektr qýaty tarifiniń kóterilýine qatysty pikir bildirdi, dep habarlaidy "Ult aqparat".
"Búgingi tańda elektr energiiasy tarifiniń rentabeldiligi joq. Sala mamandary 2009-2015 jylǵa deiingi kezeń bir ǵanibet bolatyn deidi, sebebi ol kezderi energiia óndirýshi stantsiia ózindik qun pliýs tarif alǵan. Sodan keiin 2015-2018 jyldary tarif «qatyp qaldy».
Mysaly, quramyna Jezqazǵan JEO jáne Balqash JEO kiretin «Qazaqmys Enerdji» JShS-da tarif 1 kV/saǵat úshin 6 teńgeni qurady, bul rette onyń ózindik quny 7-den 9 teńgege deiin bolǵan. Osylaisha, úsh jyl qatarynan stantsiialar eshqandai paida kórmei, kerisinshe shyǵyndalǵan.
2019 jyly jaǵdai odan da nasharlai tústi, ol kezde tarif 6 teńgeden 4,8 teńgege deiin tómendetildi. JEK kózderi qiyndyq týdyrýda, óndiriletin elektr energiiasyn 1 kVt/saǵatyna 34 teńgeden satyp alyp, shekti tarif boiynsha, iaǵni 1 kVt/saǵatyna 4,8 teńgeden satýǵa týra keledi, elektr energiiasyn óndiretin kásiporyndar qandai shyǵyn shegetinin esepteý úshin uly matematik bolýdyń qajeti joq.
Temirjol kóliginiń kórsetiletin qyzmetteri, janarmaidyń baǵasy ósýde, onsyz siz elektr qýatyn ala almaisyz. Elektr energiiasyn óndirýge jumsalatyn barlyq shyǵyndar engiziletin barabar tarif qana, onyń ústine rentabeldilik energiia óndirýshi uiymdardyń boi túzeýine múmkindik beredi" - maman.
Aita keteiik, Energetika ministrligi elektr energiiasyna arnalǵan tarifterdi kóterý týraly buiryǵynyń jobasyn jariialady. Qujat naýryzdyń 26-syna deiin talqylaýǵa shyǵaryp otyr.
