«قازاقمىس ەنەردجي» جشس ٶندٸرٸستٸك بٶلٸمٸنٸڭ باستىعى ەلەنا ياكوۆلەۆا ەلەكتر قۋاتى تاريفٸنٸڭ كٶتەرٸلۋٸنە قاتىستى پٸكٸر بٸلدٸردٸ, دەپ حابارلايدى "ۇلت اقپارات".
"بٷگٸنگٸ تاڭدا ەلەكتر ەنەرگيياسى تاريفٸنٸڭ رەنتابەلدٸلٸگٸ جوق. سالا ماماندارى 2009-2015 جىلعا دەيٸنگٸ كەزەڭ بٸر عانيبەت بولاتىن دەيدٸ, سەبەبٸ ول كەزدەرٸ ەنەرگييا ٶندٸرۋشٸ ستانتسييا ٶزٸندٸك قۇن پليۋس تاريف العان. سودان كەيٸن 2015-2018 جىلدارى تاريف «قاتىپ قالدى».
مىسالى, قۇرامىنا جەزقازعان جەو جەنە بالقاش جەو كٸرەتٸن «قازاقمىس ەنەردجي» جشس-دا تاريف 1 كۆ/ساعات ٷشٸن 6 تەڭگەنٸ قۇرادى, بۇل رەتتە ونىڭ ٶزٸندٸك قۇنى 7-دەن 9 تەڭگەگە دەيٸن بولعان. وسىلايشا, ٷش جىل قاتارىنان ستانتسييالار ەشقانداي پايدا كٶرمەي, كەرٸسٸنشە شىعىندالعان.
2019 جىلى جاعداي ودان دا ناشارلاي تٷستٸ, ول كەزدە تاريف 6 تەڭگەدەن 4,8 تەڭگەگە دەيٸن تٶمەندەتٸلدٸ. جەك كٶزدەرٸ قيىندىق تۋدىرۋدا, ٶندٸرٸلەتٸن ەلەكتر ەنەرگيياسىن 1 كۆت/ساعاتىنا 34 تەڭگەدەن ساتىپ الىپ, شەكتٸ تاريف بويىنشا, ياعني 1 كۆت/ساعاتىنا 4,8 تەڭگەدەن ساتۋعا تۋرا كەلەدٸ, ەلەكتر ەنەرگيياسىن ٶندٸرەتٸن كەسٸپورىندار قانداي شىعىن شەگەتٸنٸن ەسەپتەۋ ٷشٸن ۇلى ماتەماتيك بولۋدىڭ قاجەتٸ جوق.
تەمٸرجول كٶلٸگٸنٸڭ كٶرسەتٸلەتٸن قىزمەتتەرٸ, جانارمايدىڭ باعاسى ٶسۋدە, ونسىز سٸز ەلەكتر قۋاتىن الا المايسىز. ەلەكتر ەنەرگيياسىن ٶندٸرۋگە جۇمسالاتىن بارلىق شىعىندار ەنگٸزٸلەتٸن بارابار تاريف قانا, ونىڭ ٷستٸنە رەنتابەلدٸلٸك ەنەرگييا ٶندٸرۋشٸ ۇيىمداردىڭ بوي تٷزەۋٸنە مٷمكٸندٸك بەرەدٸ" - مامان.
ايتا كەتەيٸك, ەنەرگەتيكا مينيسترلٸگٸ ەلەكتر ەنەرگيياسىنا ارنالعان تاريفتەردٸ كٶتەرۋ تۋرالى بۇيرىعىنىڭ جوباسىن جارييالادى. قۇجات ناۋرىزدىڭ 26-سىنا دەيٸن تالقىلاۋعا شىعارىپ وتىر.
