Taraz turǵyny Prezident Qasym-Jomart Toqaevtan kómek surady. Beineúndeý joldaǵan Gaýhar Qaparbekovanyń aitýynsha, onyń 18 jastaǵy ulyn kólik qaǵyp ketken, al rólde qala ákimdiginiń qyzmetkeri otyrǵan, dep jazady Sputnik Qazaqstan.
Tragediia biyl 23 qarashada tańǵy saǵat altyda boldy. Júrgizýshi BMW avtokóligin aidaǵan.
Jol apaty saldarynan Qaparbekovanyń uly kóz jumdy, al ony qaqqan júrgizýshi oqiǵa ornynan izin jasyrǵan. Áieldiń sózinshe, kináli adam áli bostandyqta júr.
"Prezident myrza jáne halqym, sizderden ákimshilik qyzmetkeri ádil jazasyn alyp, isti jaýyp tastamas úshin kómek suraimyn", - dep ótindi Gaýhar Qaparbekova.
Tarazdyń politsiia departamenti videoǵa túsinikteme berdi. Qylmystyq kodekstiń 345 jáne 347-baptary "Jol qozǵalysy erejelerin buzý" jáne "Jol-kólik oqiǵasy bolǵan jerden ketip qalý" boiynsha sotqa deiingi tergeý júrip jatyr.
"Tarazdyń politsiia basqarmasynyń qyzmetkerleri izdestirý sharalary kezinde 28 jastaǵy kúdiktini anyqtap, ustady. Qazir ol tergeý izoliatorynda otyr", - dep málimdedi politsiia.
Tiisti saraptamalar taǵaiyndaldy.
