«Taraz-Arena» sport keshenine belgili sportshy, Olimpiada chempiony Jaqsylyq Úshkempirovtiń esimi berý usynyldy. Bul týraly oblys ákiminiń baspasóz qyzmetinen málim etti, dep habarlaidy "Ult aqparat".
«Jambyl oblysy ákimdigi men máslihatynyń birlesken usynysy máslihattyń kezekten tys otyrysynda maquldandy.
Oblys ákimi Berdibek Saparbaev Jaqsylyq Úshkempirovtiń otandyq kúres mektebiniń qalyptasýy men damýyna, qazaqstandyq sporttyń joǵary deńgeige kóterilýine qosqan úlesin atap ótip, halyq qalaýlylaryna bul bastamany qoldaǵany úshin alǵys aitty»,- delingen habarlamada.
Nysandy qaita ataý jónindegi usynys Respýblikalyq onomastika komissiianyń qaraýyna joldanady.
Jaqsylyq Úshkempirov 1951 jyly 6 mamyrda Qazaq KSR Jambyl oblysy Sverdlov aýdany (Baizaq aýdany) Chapaev keńsharynda (Qazirgi Tegistik aýyly) dúniege kelgen.
Ol - grek-rim kúresiniń palýany, sport sheberi (1971), halyqaralyq sport sheberi (1975), Eńbek sińirgen sport sheberi (1980), altyn medalǵa ie bolǵan qazaqtan shyqqan tuńǵysh Olimpiada chempiony (Máskeý, 1980), álem chempiony (1981), álem kýbogynyń kúmis júldegeri (1982), eki dúrkin Keńes Odaǵynyń chempiony (1975, 1980), Qazaq KSR eńbek sińirgen jattyqtyrýshysy.
Qazaqstannyń eńbek eri, «Barys», «Qurmet» «Parasat» ordenderimen marapattalǵan.
Dańqty sportshy 2020 jyldyń 2 tamyzynda dúnieden ozdy.
