Qazaqstanda balalar úii jáne mektep-internat tárbielenýshileri arasyndaǵy fýtbol chempionatynyń jeńimpazdary Madrid qalasyna, álemge tanymal «Real Madrid» fýtbol klýbymen kezdesýge attandy, dep habarlaidy "Ult aqparat".
Atalmysh týrnirde «Tulpar» komandasy jeńimpaz atanǵan edi. Olar - 11-14 jas aralyǵyndaǵy ata-ana qamqorlyǵynsyz qalǵan balalar. Qazir jetkinshekter Taraz qalasyndaǵy ómirlik qiyn jaǵdaidaǵy balalardy qoldaý ortalyǵynda tárbielenip jatyr.
Balalardyń Ispaniiaǵa sapary «Real Madrid» fýtbol klýbymen kezdesýmen este qalady. Sonymen qatar olar Ispaniia koroliniń saraiyna, «Santiago Bernabeý» stadiony men murajaiyna, Qazaqstannyń Ispaniiadaǵy konsýldyǵyna saiahattaidy. Sapar 27 qazanǵa deiin jalǵasady.
Esterińizge sala keteiik, 10-13 qyrkúiekte Almaty qalasynda Ispaniiadaǵy úzdik klýbtardyń biri - «Real Madrid» fýtbol klýbymen kezdesý úshin balalar úii men mektep-internat tárbielenýshileri arasynda 12 myqty komanda ózara baq synasty. Jalpy, joba boiynsha 300-ge jýyq fýtbolshy balanyń atynan ótinim qabyldandy.
«Chempionattyń basty maqsaty - balalardy yntalandyrý jáne ata-ana qamqorlyǵynsyz qalǵan jetimder arasynda talantty fýtbolshylardy damytý. Bizdiń qor birneshe jyl qatarynan osyndai buqaralyq sportty damytýǵa kómek kórsetip jatyr. Máselen, búkil el boiynsha qazirgi zamanǵy sport jáne balalar oiyn alańdaryn ornatý boiynsha joba iske asyrylýda, daryndy balalarǵa jol granttary úlestirilýde, respýblikalyq jazǵy spartakiada ótti», - deidi «Samruk-Kazyna Trust» áleýmettik jobalardy damytý qorynyń resmi ókili Miras Irgebaev.
«Armanyńa jaqynda» chempionatynyń uiymdastyrýshysy - «BAURZHAN» qaiyrymdylyq qory, bas áriptes - «Samruk-Kazyna Trust» áleýmettik jobalardy damytý qory.
