Tarazdaǵy bala zorlaý oqiǵasynan keiin Jetisý aýdanynda qańyrap bos turǵan ǵimarattardyń esikteri mórlenip, jabyldy, dep habarlaidy "Ult aqparat".
Bul týraly qoǵamdyq keńestiń otyrysynda aýdan ákimi Maqsat Qiqymov aitty.
«Tarazdaǵy oqiǵadan keiin biz dereý mektep ainalasyndaǵy qaraýsyz qalǵan ǵimarattardy tekserip shyqtyq. Nátijesinde bos turǵan 12 ǵimarat anyqtaldy. Olardy shuǵyl túrde jaýyp tastadyq. Aita keteiik, onyń barlyǵy - jeke menshik», - deidi aýdan ákimi
Eske salaiyq, 2019 jyldyń 15 qarashasynda Taraz qalasyndaǵy mektepterdiń biriniń ájethanasynda kámelet jasyna tolmaǵan oqýshy qyz zorlandy. Atalǵan derek boiynsha Jambyl oblysynyń politsiia departamenti Qylmystyq Kodekstiń 120-baby 4-bólimi jáne 121-baby 4-bólimimen sotqa deiingi tergeý amaldaryn bastady.
Jambyldyq politseiler aýyr qylmys jasaǵan kúdiktini oqiǵanyń izin sýytpai ustady.
Keiinnen anyqtalǵandai, kámeletke tolmaǵan qyz oblys ortalyǵyndaǵy №6 mekteptiń oqýshysy bolyp shyqty. Kúdikti azǵyndyq áreketin mekteptiń syrtyndaǵy ájethanada jasaǵan.
Keiin bilim oshaǵynyń basshylary qyzmetinen ketti.
