Jambyl oblysynda 33 jastaǵy júkti kelinshek perzenthanada qaitys boldy. Sarysý aýdanynyń turǵyny ózine qol jumsaǵan.
Oblystyq densaýlyq saqtaý basqarmasyndaǵylar atalǵan faktini rastady. Oqiǵa 10 sáýir kúni Taraz qalasyndaǵy oblystyq perinataldyq ortalyǵynda bolǵan.
Kelinshek jalǵan tolǵaq diagnozymen perinataldyq ortalyq dárigerleriniń baqylaýynda bolǵan. Aiaǵy aýyr áielde psihologiialyq aýytqýlar baiqalmaǵan.
"Atalǵan faktige bailanysty quqyq qorǵaý organdary ózin-ózi óltirýge itermeleý babymen sotqa deiingi tergeý amaldaryn bastady. Sot-meditsinalyq saraptamasy júrgizilip jatyr. Aqparat tergeý aiaqtalǵannan keiin jariialanady", – delingen basqarma málimetinde.
Politsiia departamentindegiler atalǵan fakti boiynsha keshendi saraptama taǵaiyndalǵanyn, jan-jaqty tekserý jumystary júrgizilip jatqanyn aitty.
Marqum kelinshek júktiliktiń 16-shy aptasynda bolǵan. Onyń artynda joldasy jáne 3 balasy qaldy. Balalarynyń úlkeni 6-da, ekeýi balabaqsha jasynda.
