Juma kúni saǵat 22.30-da «Áýlie - Ata» halyqaralyq áýejaiyna Deli-Taraz baǵytyndaǵy ushaq kelip qondy. Onyń bortynda 106 adam, onyń ishinde 91 Qazaqstan azamaty jáne 15 Qyrǵyzstan azamaty boldy, - dep habarlaidy "Ult aqparat" oblys ákiminiń baspasóz qyzmetine silteme jasap.
Barlyq jumyldyrylatyn qyzmetterge aldyn ala eskertilip, jolaýshylardy qabyldaýǵa daiyndaldy. Qaýipsizdik maqsatynda arnaiy kiim kigen meditsina qyzmetkerleri ár jolaýshyny muqiiat tekserip shyqty.
Tikelei ushý jolaǵynan kelgenderdiń barlyǵy avtobýstarǵa otyrǵyzyldy. Meditsinalyq jáne politsiia qyzmetkerleriniń erip júrýimen olar karantindik statsionarǵa jetkizilip, jatqyzyldy. Dene qyzýlarynyń kóterilýine bailanysty QR eki azamaty provizorlyq statsionarǵa ornalastyryldy. Barlyq jolaýshylardan taldaýlar alynyp, zerthanalyq zertteýge jiberildi. Teris nátije bolǵan jaǵdaida olardy turǵylyqty jeri boiynsha 14 kúndik úi karantinine alynady.
Sondai-aq, jolaýshylardyń barlyq jeke zattary, avtobýstar men jedel járdem kóligi óńdeýden ótti.
Al, Qyrǵyzstan Respýblikasynyń azamattary arnaiy avtokólikpen óz Otanyna jóneltildi.
