Taraz qalasynyń №2 soty Taraz qalasy boiynsha memlekettik kirister basqarmasynyń bólim basshysy Erjan Shymyrqulovty birneshe ret para alǵany úshin kináli dep tanyp, oǵan 7 jyl 6 ai merzimge bas bostandyǵynan aiyrý jazasyn kesti, dep habarlaidy Ulysmedia.kz.
Jambyl oblysyndaǵy antikordyń málimetinshe, Baǵlan Abdýhalikov pen Aqmaral Baimuhanova tobymen para bergeni úshin kináli dep tanylyp, árqaisysyna 7 jyl merzimge bas bostandyǵynan aiyrý jazasy taǵaiyndalǵan. Al Marat Baijanov para bergeni úshin kináli dep tanylyp, 2 jyl 6 ai merzimge bas bostandyǵy shekteldi.
«QR Táýelsizdiginiń otyz jyldyǵyna bailanysty raqymshylyq jasaý týraly» Zańnyń negizinde zalal keltirýge ákep soqpaǵan aýyrlyǵy ortasha qylmys jasaǵany úshin Marat Baijanov negizgi jazadan bosatyldy. Qylmystylardyń barlyǵy memlekettik qyzmette laýazymdardy atqarý quqyǵynan aiyryldy», - dep habarlady vedomstvodan.
Aita keteiik, ótken jyldyń qarasha jáne jeltoqsan ailarynda Shymyrqulov Baijanovtan jáne Abdýhalikov pen Baimuhanovadan salyq tóleý jónindegi salyq mindettemelerin oryndamaýǵa yqpal etkeni úshin 90 000 teńge jáne 1 250 000 teńge kóleminde birneshe ret para alǵan. Sottyń úkimi zańdy kúshine engen joq.
