Foto: Ulysmedia
Taraz qalasynda kámeletke tolmaǵan balasyn qaiyr suraýǵa májbúrlegen ana ákimshilik jaýapkershilikke tartyldy. Bul týraly Jambyl oblystyq soty málimdedi.
Is kámeletke tolmaǵandardyń isteri jónindegi mamandandyrylǵan aýdanaralyq sotta qaralǵan. Sot materialdaryna sáikes, áiel óz ulyn tiisti deńgeide tárbieleý mindetin oryndamaǵan.
Anyqtalǵandai, jasóspirim Taraz qalasyndaǵy baǵdarshamdardyń birinde júrgizýshilerden aqsha surap júrgen jerinen politsiia qyzmetkerlerine ustalǵan. Balanyń jasy 16-ǵa tolmaǵandyqtan, ákimshilik hattama anasyna qatysty toltyrylǵan.
Sot otyrysynda áiel óz kinásin tolyq moiyndap, jasaǵan áreketine ókinish bildirdi. Nátijesinde sot ony kináli dep tanyp, 60 myń teńge kóleminde aiyppul saldy.
Qazirgi ýaqytta sot qaýlysy zańdy kúshine engen joq.
