Jambyl koloniiasynyń sottalǵandaryna smartfon satýǵa tyrysty, dep habarlaidy "Ult aqparat".
15 maýsymda Jambyl oblysy boiynsha qylmystyq-atqarý júiesi departamentiniń JD-158/7 tótenshe qaýipsiz mekemesiniń qyzmetkerleri Ulttyq ulannyń áskeri qyzmetshilerimen birge iri sálemdemeni tárkiledi.
Jeke kásipkerdiń birine tiesili avtokólikti tekserý kezinde koloniia qyzmetkerleri kesilgen aǵash materialdarynyń arasynan jasyrylǵan 52 uialy bailanys quralyn (27 smartfon men 25 túimeli uialy telefon) taýyp alyp, zańsyz árekettiń joly kesti.
Sálemdeme folgaǵa myqtap jasyrylyp, aǵash bloktarǵa mórlengen.
Aldyn ala málimet boiynsha, tárkilengen telefondardy osy koloniiadaǵy sottalǵandar aqshaǵa «tapsyrys bergen».
Al jetkizýshi rejimdik obekt aýmaǵynda ornalasqan jeke kásipkerliktiń direktory boldy.
Jumys isteýshi kásiporyn 2021 jylǵy aqpannan bastap mamandanǵan aǵash óńdeýmen ainalysyp, sottalǵandardy jumyspen qamtidy.
Búginde munda 25 sottalǵan jumysqa ornalastyryldy.
«Alty ai ishinde JD-158/7 tótenshe qaýipsiz mekemesinde koloniianyń búkil tarihynda tyiym salynǵan zattardyń rekordtyq sany (137 uialy telefon, 14 sim-karta, 26 zariadtaý qurylǵysy, 5 batareia, 15 jup qulaqqap jáne 2 USB-adapter) alyndy. Sońǵy ýaqytta aram piǵyldy jeke kásipkerler men sottalǵandar arasyndaǵy jiilep ketken zańsyz mámile baqylaýdy kúsheitýdi jáne kásiporyndar qyzmetin turaqty tekserýdi talap etedi. Mekemeniń baqylaý-ótkizý pýnktiniń jumysyn, ony ustaý rejimin jáne patrýldi kúsheitýge qaramastan, zań buzýshylar olardy rejim obektisiniń aýmaǵyna jetkizýdiń túrli aila-amaldaryn oilastyrady. Sonymen qatar, úlken avtokólikterdi tekserý jabdyqtarynyń joqtyǵyna qaramastan, mekeme qyzmetkerleri jedel aqparat boiynsha tyiym salynǵan zattardy ózderi anyqtaidy», - dep atap ótti Jambyl oblysy boiynsha QAJD bastyǵynyń mindetin atqarýshy Teńizjan Jánibekov.
QAJD basshylyǵy atap ótkendei, bul birinshi jaǵdai emes. Osyǵan uqsas oqiǵa aǵymdaǵy jyldyń sáýir aiynda da boldy, onda 85 uialy telefon tabylyp, tárkilendi.
Sonymen qatar, tártip buzýshylar sol júie boiynsha jumys istedi.
Olar ony aǵash jetkizý syltaýymen tasymaldap, biraq ótken jyldyń qazan aiynan bastap koloniia aýmaǵynda jumys isteitin basqa aǵash óńdeý kásiporny úshin alyp júrgen.
Kásiporyn iesi Qazaqstan Respýblikasy ÁQBtK-niń 481-baby boiynsha ákimshilik jaýapkershilikke tartyldy, Jeke kásipkerlikpen kelisim shart buzyldy.
Osy jyldyń ózinde tyiym salynǵan zattardy ótkizý faktileri boiynsha 15 azamat ákimshilik, taǵy 13 adam qylmystyq jaýapkershilikke tartyldy.
