Kezekti reidtik is-sharalar barysynda Taraz qalasy politsiia basqarmasynyń qyzmetkerleri jáne tórt mobildi top «Grand Royal» meiramhanasynda 50 adamǵa arnalǵan otbasylyq saltanatty keshtiń ótkizilý deregin anyqtady,-dep habarlaidy "Ult aqparat".
Toidy uiymdastyrýshyǵa qatysty Qazaqstan Respýblikasy Ákimshilik quqyq buzýshylyq týraly kodeksiniń 425-baby (Halyqtyń sanitarlyq-epidemiologiialyq salaýattylyǵy salasyndaǵy zańnama talaptaryn, sondai-aq gigienalyq normativterdi buzý) boiynsha material jinalyp, buzýshyny ákimshilik jaýapkershilikke tartý úshin sanitarlyq-epidemiologiialyq qyzmet qadaǵalaý ornyna jiberildi.
«Jalpy jyl basynan beri túrli menshik nysanyndaǵy reidtik tekserýlermen nysandarda 663 buzýshylyq anyqtaldy. Taýarlar men qyzmetterdiń sapasy men qaýipsizdigin baqylaý basqarmasy QR ÁQBtK -niń 425-baby boiynsha jalpy somasy 69 907 847 teńge kólminde oiyn-saýyq mekemeleri men ózge de menshik nysandarynyń 312 iesin jaýapkershilikke tartty», - dep málimdedi Politsiia departamenti Jergilikti politsiia qyzmeti basqarmasynyń bastyǵy Rahymberdi Áshkeev.
