Taraz turǵynynan keli kilogramm marihýana tárkilendi, dep habarlaidy QazAqparat Polisia.kz-ke silteme jasap.
«Qarasora-2021» respýblikalyq jedel aldyn alý sharasy aiasynda Jambyl oblysy Politsiia departamentiniń Esirtki qylmysyna qarsy is-qimyl basqarmasynyń qyzmetkerleri Shý-Merke avtojolynan 4 shaqyrym jerdegi Sarǵaý aimaǵynda esirtki daiyndap jatqan Taraz qalasynyń 41 jastaǵy turǵynyn ustady.
Sol mańdy tekserý kezinde tórt qap barlyǵy - 44 kilogramm 320 gramm keptirilgen marihýana tárkilendi. Kúdikti kinásin moiyndady, qazirgi kezde Shý qalasynyń ýaqytsha ustaý izoliatoryna qamalǵan.
«Atalǵan fakti boiynsha QR Qylmystyq kodeksiniń 297-baby 3-bólimi «Esirtki quraldaryn, psihotroptyq zattardy, sol tektesterdi ótkizý maqsatynda zańsyz daiyndaý, qaita óńdeý, satyp alý, saqtaý, tasymaldaý, jóneltý ne ótkizý» boiynsha sotaldy tergeý bastaldy. Mundai qylmys úshin 10-15 jylǵa bas bostandyǵynan aiyrý qarastyrylady, sonymen qatar sottalýshynyń múlki tárkilenedi», - dedi Esirtkige qarsy kúres basqarmasynyń bastyǵy Asqar Jumabekov.
