تاراز تۇرعىنىنان كەلٸ كيلوگرامم ماريحۋانا تەركٸلەندٸ, دەپ حابارلايدى قازاقپارات Polisia.kz-كە سٸلتەمە جاساپ.
«قاراسورا-2021» رەسپۋبليكالىق جەدەل الدىن الۋ شاراسى اياسىندا جامبىل وبلىسى پوليتسييا دەپارتامەنتٸنٸڭ ەسٸرتكٸ قىلمىسىنا قارسى ٸس-قيمىل باسقارماسىنىڭ قىزمەتكەرلەرٸ شۋ-مەركە اۆتوجولىنان 4 شاقىرىم جەردەگٸ سارعاۋ ايماعىندا ەسٸرتكٸ دايىنداپ جاتقان تاراز قالاسىنىڭ 41 جاستاعى تۇرعىنىن ۇستادى.
سول ماڭدى تەكسەرۋ كەزٸندە تٶرت قاپ بارلىعى - 44 كيلوگرامم 320 گرامم كەپتٸرٸلگەن ماريحۋانا تەركٸلەندٸ. كٷدٸكتٸ كٸنەسٸن مويىندادى, قازٸرگٸ كەزدە شۋ قالاسىنىڭ ۋاقىتشا ۇستاۋ يزولياتورىنا قامالعان.
«اتالعان فاكتٸ بويىنشا قر قىلمىستىق كودەكسٸنٸڭ 297-بابى 3-بٶلٸمٸ «ەسٸرتكٸ قۇرالدارىن, پسيحوتروپتىق زاتتاردى, سول تەكتەستەردٸ ٶتكٸزۋ ماقساتىندا زاڭسىز دايىنداۋ, قايتا ٶڭدەۋ, ساتىپ الۋ, ساقتاۋ, تاسىمالداۋ, جٶنەلتۋ نە ٶتكٸزۋ» بويىنشا سوتالدى تەرگەۋ باستالدى. مۇنداي قىلمىس ٷشٸن 10-15 جىلعا باس بوستاندىعىنان ايىرۋ قاراستىرىلادى, سونىمەن قاتار سوتتالۋشىنىڭ مٷلكٸ تەركٸلەنەدٸ», - دەدٸ ەسٸرتكٸگە قارسى كٷرەس باسقارماسىنىڭ باستىعى اسقار جۇمابەكوۆ.
